Скачать или смотреть Tata Sierra 2025 Problems Negatives टाटा सिएरा

Dosto, Tata ki nayi Sierra khareedne se pehle, ek baar thande dimaag se sochiye. Aaj uske aadhi keemat mein, usse do guna behtar gaadiyaan, market mein asaani se mil rahi hain. Yakeen nahi aata, toh ye dekhiye. Do hazaar gyarah ki Mercedes C Class, jismein paanch sau newton meter ka lajawaab torque hain, wo aaj chaar laakh rupay mein milti hain. Sierra isse chaar guna mehengi hain. Oopar se uska pick-up bhi ghatiya hain. Sierra ka diesel engine, C-two-fifty ke engine se lagbhag aadha torque deta hain, aur power bhi C Class se 86 hp kam. Iska nateeja aap ko har overtake ke waqt mehsoos hoga. Kitni asaani se C-two-fifty overtake kar paati hain, ye dekh kar Sierra sharam se chup jaayegi. Dosto itna yaad rakhna, ke gaadi ek chalta phirta auzaar hain, ismein overtake karne ki kshamata, suspension comfort, pakad aur santulan jaise pehelu, Sierra ke pacchis-inch touch-screen se, jyada maine rakhte hain. Ab adhiktar grahak ye soch kar ghabraate hain, ke mercedes mein toh laako rupay ka maintenance lagega. Lekin ye baat sarasar jhoot hain. Aisi teen gaadiyaan CarComparos team ke paas hain. 2003 ki C Class, 2006 ki Audi A4 aur do hazaar gyarah ki M Class. In teeno gaadiyon pe ek se do laakh rupay se jyada maintenance nahi laga hain. Wakai mein kitna kharcha hua hain, iski poori jaankaari dekhne ke liye, pinned comment mein maujood, Ownership Review link pe click kijiye. Doorsi aur, aap ne Sierra ka kharcha calculate kiya bhi hain? Pandrah-bees laak ki nayi gaadi, agle saat saal mein, das laakh rupaye depreciate honewaali hain. Ye kambakht depreciation, saari nayi gaadi khareedne waalo ka, sab-se bada gaddha hota hain. Lekin uske baare mein koi baat nahi karta. Doosra bada gaddha hota hain car loan pe lagne wala byaaj. Jo aap ke chaar laakh rupay barbaad karne waala hain. Teesra hain insurance, jo C-two-fifty ke third party insurance ki tulana mein, aap ke dhai laakh rupay extra doobayega. Aur Tata ki kisi bhi nayi launch honewaali gaadi mein, maintenance ka kharcha bhi jaroor ayega. Aakhir wah Japanese ya Korean gaadi nahi hain. Toh uske bhi ded laakh maan ke chalo. Kul milakar, aap ke athara laakh rupay, ye chamchamaati nayi Sierra, agle paanch saal mein, phookne waali hain. Ye hain Mercedes ki kalpanik maintenance se darne ka nateeja! Ab yahan par ye C-two-fifty, sirf ek udaharan ke taur pe dikhayi hui hain. Aisi paanch aur behtareen gaadiyaan aaj used car market mein uplabdh hain. Khaas kar, six-cylinder diesel engine waali, BMW 530d, Audi A6 aur Mercedes E-three-fifty jaisi gaadiyaan, aaj paanch laakh rupay mein mil jaati hain. Unki jo overtake karne ki kaabiliyat hain, wo aaj sattar laakh ki Mercedes GLC mein bhi nahi milti. Comfort mein bhi wah GLC se kum nahi. Na hi pakad-santulan mein wah GLC se kum hain. Toh phir dosto, kya aap ne kabhi socha hain ke gaadi ki keemat aur gaadi ka moolya ek hi cheez hain, ya dono alag hain? Kya sattar laakh ke GLC ki aukaat paanch laakh ki used 530d jitni hain? Ya phir 5 laakh ke 530d ka moolya sattar laakh rupay hain? Comment section mein aap ki raay jaroor batayiye. Bahut bahut dhanyawad.

#tatasierra2025 #tatasierra #tatasierraev