Скачать или смотреть ကိုယ်ပိုင်ယာဥ်အသုံးပြုမှု စစ်ကောင်စီ ကန့်သတ်ချက်ကို ပြည်သူတွေ ဝေဖန် | People's Spring

ကိုယ်ပိုင်ယာဥ်အသုံးပြုမှု စစ်ကောင်စီ ကန့်သတ်ချက်ကို ပြည်သူတွေ ဝေဖန်
 
မတ်-၄၊ ၂၀၂၆။ People's Spring
 
စက်သုံးဆီပြတ်လပ်ပြီးနောက် စစ်ကောင်စီက ကိုယ်ပိုင်ယာဥ်တွေ အသုံးပြုမှု ကန့်သတ်လိုက်ပြီး စက်သုံးဆီချွေတာကြဖို့လည်း မတ်လ ၃ရက် မနေ့က ညပိုင်းမှာ ထုတ်ပြန်ပါတယ်။
 
လက်ရှိ ကမ္ဘာ့နိုင်ငံရေးအခြေအနေတွေအရ အရှေ့အလယ်ပိုင်း စစ်ရေးပဋိပက္ခတွေကြောင့်  လောင်စာဆီတင်သွင်းရတဲ့
ပိတ်ဆို့မှုတွေကြောင့်လို့ဆိုပြီး စက်သုံးဆီချွေတာဖို့ စစ်ကောင်စီ ဆိုပါတယ်။
 
ဒါကြောင့် အခု မတ်လ ၇ ရက်ကစပြီး လစဥ်စုံရက်တွေမှာ စုံနံပါတ်အက္ခရာယာဥ်တွေဖြစ်တဲ့ (ဥပမာ 2A.../ 4A ...စသဖြင့်)၊မရက်တွေမှာ  မအက္ခရာ (ဥပမာ 1A .... / 3A.... )စတဲ့ ပုဂ္ဂလိကပိုင်ယာဥ်တွေက မောင်းနှင်ခွင့်ရှိမယ်လို့ ဖော်ပြပါတယ်။
 
ဒါကြောင့် ကိုယ်ပိုင်ယာဉ်တွေဟာ တစ်ရက်ခြားတစ်ခါသာ အသုံးပြုမောင်းနှင်ရမှာဖြစ်ပါတယ်။
အာဏာသိမ်းစစ်ကောင်စီရဲ့ ထုတ်ပြန်ချက်တွေကို ပြည်သူတွေက ပြင်းပြင်းထန်ထန် ဝေဖန်နေကြပါတယ်။
 
စစ်ကောင်စီရဲ့ လုပ်ရပ်ဟာ ပြည်သူတွေကို အကျယ်ချုပ်ထားတာဖြစ်ပြီး အမြဲတမ်းသူတို့သဘောလား၊ ပြည်သူကအရုပ်လားလို့ မြို့ခံတစ်ဦးက မေးခွန်းထုတ်ထားပါတယ်။
အခြားမြို့ခံတွေကလည်း အလုပ်ကို နေ့တိုင်းသွားရကြောင်း၊ ကျောင်းသားတွေကို နေ့တိုင်း ကျောင်းပို့ရကြောင်း ရက်ခြားအပြင်ထွက်လို့ မရဘူးလို့ ပြောဆို ဝေဖန်နေကြပါတယ်။
 
EV မော်တော်ယာဥ်နဲ့ EV မော်တော်ဆိုင်ကယ်တွေကတော့ နေ့စဥ်မောင်းနှင်းနိုင်တယ်လို့ စစ်ကောင်စီရဲ့ ထုတ်ပြန်စာမှာ ပါရှိပါတယ်။
 
အများပြည်သူသယ်ယူ ပို့ဆောင်ရေးယာဥ်၊ တက္ကစီ၊ စက်သုံးဆီသယ်ယာဥ်၊ ဆောက်လုပ်ရေး လုပ်ငန်းသုံးယာဥ်၊ ကုန်စည်ပို့ဆောင်ရေးယာဥ်၊ လူနာတင်ယာဥ်၊ နိဗ္ဗာန်ယာဥ်၊ စည်ပင်အမှိုက်သိမ်းတဲ့ယာဥ်တွေလည်း နေ့စဥ် အသုံးပြုနိုင်တယ်လို့ အသိပေးပါတယ်။
 
စက်သုံးဆီဝယ်ယူစုဆောင်းတာ စျေးမြှင့်တင် ရောင်းတာတွေ ရှိခဲ့ရင်လည်း အရေးယူမယ်လို့ စစ်ကောင်စီက ဆိုပါတယ်။
 
ပြည်တွင်းစီးပွားရေးလုပ်ငန်းရှင်တစ်ဦးက “မြန်မာနိုင်ငံက ရေနံစိမ်းတွေကို အီရန်က ဝယ်ပြီး အဲဒီရေနံစိမ်းကို စင်ကာပူကနေတဆင့် ချက်ပြီး စက်သုံးဆီအဖြစ် ပြန်သွင်းတာလို့ “ပြောပါတယ်။
 
 ဒါကြောင့် စစ်ပွဲရက်ရှည်ရင် စက်သုံးဆီ ကမောက်ကမက ဖြစ်လာနိုင်ပြီး စစ်ကောင်စီက  အရန်ဆီ သိုလှောင်မှုလည်း ရှိမယ်မထင်ကြောင်း သူက ဆက်ပြောပါတယ်။
 
အရပ်သားအစိုးရလက်ထက်က တစ်နှစ်ကို ဒေါ်လာသုံးဘီလီယံဖိုးနီးပါး တင်သွင်းတဲ့ စက်သုံးဆီ စျေးကွက်ကို ပြည်တွင်းစစ်အသုံးစရိတ်ကြောင့် ဒေါ်လာလိုအပ်မှုအတွက် အာဏာသိမ်းစစ်တပ်က ထိန်းချုပ်ခဲ့ပြီး စက်သုံးဆီတင်သွင်းမှုကို အခုချိန်ထိ ကန့်သတ်ထားပါတယ်။
 
ဒါကြောင့် နိုင်ငံရဲ့ အရန်စက်သုံးဆီသိုလှောင်ထားမှု ပမာဏကို တိတိကျကျ ရှင်းလင်းခဲ့တာ မရှိခဲ့သလို စက်သုံးဆီးတင်သွင်းတဲ့ လုပ်ငန်းရှင်တွေကိုပါ ပြီးခဲ့တဲ့လပိုင်းက ဖမ်းဆီးခဲ့ပါတယ်။
 
မနေ့ မနက်ပိုင်းကပဲ စက်သုံးဆီဆိုင်တချို့   အရောင်းပိတ်တာနဲ့ ရောင်းချမှုမရှိ တာတွေကြောင့် အလုပ်နားထားရတယ်လို့ ရန်ကုန်မြို့အငှားယာဥ်မောင်းတချို့က ပြောထားပါတယ်။
 
မန္တလေးမြို့မှာလည်း စက်သုံးဆီကို ပြန်လည်တန်းစီဝယ်ယူနေရပြီး နာရီပိုင်းကြာအထိ စောင့်ဆိုင်းနေရကြောင်း မြို့ခံတွေက ပြောပါတယ်။
 
ဆိုင်ကယ်ရော ကားပါ အစီးရေရာချီ ရှိနေပြီး နာရီနဲ့ချီကာ စောင့်ဆိုင်းနေရတယ်လို့ မန္တလေးမြို့ခံတွေက ဆိုပါတယ်။
 
စက်သုံးဆီရောင်းအားမြင့်တက်လာတဲ့အခြေအနေတွေကြောင့် မန္တလေး-ပြင်ဦးလွင်လမ်းပေါ်က စက်သုံးဆီဆိုင်အချို့ ပိတ်ထားကြောင်း ဒေသခံတွေက ပြောပါတယ်။

𝗣𝗲𝗼𝗽𝗹𝗲'𝘀 𝗦𝗽𝗿𝗶𝗻𝗴

#ludunwayoo #လူထုနွေဦး #PS #People*sSpring #myanmar #NewsMedia #media #politics #international #trending #new #update #info #newsfeed #dailynews #newsupdate #breakingnews #myanmarnews #updatenews #PSA