Fillas de Cassandra // V. AS MOIRAS (ft Nadie González, Xiana Teixeiro) - Vídeo Oficial

Videoclipe oficial de Fillas de Cassandra (ft Nadie González e Xiana Teixeiro) - V. AS MOIRAS

Letra:
Sácate, sácate, sácate sácate bru-bru-bruxa (x4)

Luz do candil, fío nas mans
sombras de orballo tecen no serán.
Donas da morte e do espertar
danzan coa existencia de aquí para alá.
Non teñen nome, nin ida(de)
cargan co peso dunha eternida(de)
se ollas ao ceo na escurida(de)
xunto ás estrelas veralas brillar.

E se na noite ti queres bailar
xa están as moiras co seu aquelarre
a túa vida van desenfiar
acompañadas do seu cantar.
Acompañadas do seu, acompañadas do seu:
Sácate, sácate, sácate, sácate bru-bru-bruxa.

Arríncoche o fío cos dentes
ou déixocho aquí ben atado
temos na man tres claveles
e todos están afiados.

Arríncoche o fío coas unllas
e acabo coa sorte do parvo
piden revancha as amigas
e o meu cora non é tan brando.

Medimos coas mans cada paso
que dás nesta terra, coidado,
na herba que abonen teus ósos
hei parir flores do campo.

Diante de nós pasan todos
imos curadas de espanto
deuses, heroes, bandidos
choran igual mesmo pranto.

Non teñen nome, nin ida(de)
cargan co peso dunha eternida(de)
se ollas ao ceo na escurida(de)
xunto ás estrelas veralas brillar.

Non temos nome, nin ida(de)
cargamos o peso da eternida(de)
se ollas ao ceo na escurida(de)
xunto ás estrelas verasnos brillar.

E se na noite ti queres bailar
xa están as moiras co seu aquelarre
a túa vida van desenfiar
acompañadas do seu cantar.
Acompañadas do seu cantar, acompa-, acompa-.

Sácate, sácate, sácate, sácate bru-bru-bruxa.


Segue a Fillas de Cassandra nas RRSS:

Instagram: @fillasdecassandra.mp3
Twitter: @fillasdecassmp3
Spotify: Fillas de Cassandra


℗ 2022 Tremendo Audiovisual