مجاراة الشاعر الكبير عبدالله بن عون لشاعر محمد بن فراج الغنامي اداء محمد بن مخاشن

🔴 جديد #قناة_المرقاب 🔴
مجاراة الشاعر الكبير عبدالله بن عون
لشاعر محمد بن فراج الغنامي
اداء محمد مخاشن
هـات الـورق يالحميـدي والقلـم هاتـه فـي خاطـري كلمتيـنٍ جـات حزتـهـا
يـا راكـب اللـي علـى بديـه ولزقـاتـه رشــة وكـالـة تايـوتـا حــي رشـتـهـا
لكـزز تمـيـز عــن خـوانـه بلوحـاتـه عـون اربعـه تقصـر نفـوسٍ تهقوتهـا
كنـه مـع السايـد الايـسـر لـيـا شـاتـه معـواد حربيتـن مـن عقـب هجمتـهـا
مـا همـه الـدرب لـو طالـت مسافـاتـه تـوايـره تقـصـر المـشـوار دورتـهــا
وصـل سـلام العطـاوي مــع تحيـاتـه وبيوته اللـي هجـوس الشعـر صفتهـا
لشاعر اللـي عسـى الله يرحـم امواتـه هـو مركـز النـادره فالشعـر وسبتـهـا
ما جازلي غير صرف الجـزل فبياتـه تقـول يصـرف مـن الـدولار عملتهـا
هـذاك ابــن عــون عـبـدلله وعـاداتـه يرهـي علـى الطيبـه ويجيـب هامتهـا
تلـقـاه فــي مجـلـسٍ مـدهـال لـبـداتـه علـى عـقـاب الــدلال يـديـر صبتـهـا
ما يحسب حساب كم وصلت خساراته يـفـداه مــن عــود البيـبـان صكـتـهـا
شيـخٍ تزيـده علـى الـطـالات هقـواتـه يوم ان بعض العرب في حلو نومتهـا
ثـم سلمـه مــا كتبـتـه والخـبـر هـاتـه عـن جـادلٍ سقـم روحـي مـا تعدتـهـا
اتـلا العهـد بـه يوادعـنـي بنضـراتـه ونـا وقـفـت ارثــي بحـالـي وحالتـهـا
فجت ضلوعي برمـح البعـد وازماتـه تبـا تكـحـل عـيـون الـحـب وعمتـهـا
وقـفـت بـعـد سلـمـت قلـبـي معانـاتـه وزريـت اداوي خفوقـي مـن محبتهـا
على كثر مرسـل المرسـول بوصاتـه عـيـت تهـيـاء لـبـن فــراج شوفـتـهـا
ونـا يابـن عـود صبـري فـي نهاياتـه والعيـن عـيـت تــذوق الـنـوم سبتـهـا
فـي عبلـةٍ بيـن ظـلـم وبـيـن سفـواتـه حملـت عينـي ورجلـي فـوق طاقتـهـا
صدري شمالي لاكـن النفـس مشماتـه تضغط على العين ليـن تبيـن عبرتهـا
واليوم حتى الخلاء ضاقـت مساحاتـه ولا عاد الي فيه خاطـر عقـب غيبتهـا

=====================================================
البث المباشر الحصري لقناة المرقاب الفضائية http://ow.ly/ekNU30gDYrM
لمتابعة المزيد:- يرجى الإشتراك في القناة على الرابط | http://ow.ly/BJmHl
تابعونا على منصاتنا في مواقع التواصل الاجتماعي
twitter |   / tvmergab  
Instagram |   / mergabtv  
Facebook |   / almergabtv