Скачать или смотреть ចំណងជើង៖ តើគ្រីស្ទានធម្មតាៗមានន័យយ៉ាងដូចម្ដេច?

តើ​គ្រីស្ទាន​ធម្មតាៗ ន័យ​យ៉ាង​ដូចម្ដេច?

បច្ចុប្បន្ន​ក្នុង​សម័យ​ដ៏​ទំនើប​នេះ លោកអ្នក​ហើយ​ខ្ញុំ​នឹង​ឃើញ​មនុស្ស​ជាច្រើ​នដែល​អះអាង​ថា ពួកគេ​ជា​គ្រីស្ទាន ឬ​គ្រីស្ទបរិស័ទ​ផង​ដែរ។ មាន​គ្រីស្ទាន​ច្រើន​ប្រភេទ​ណាស់ ប៉ុន្តែ​ខ្ញុំ​សូម​លើក​ឡើង​តែ​គ្រីស្ទាន​ធម្មតាៗ និង​គ្រីស្ទាន​ដែល​ស្មោះ​ត្រង់​ក្នុង​សេចក្ដី​ជំនឿ​ដែល​មាន​រៀបរាប់​ខាងលើ​រូច​ហើយ។

គ្រីស្ទាន​ធម្មតាៗ គឺ​ប្រហែល​សំដៅ​លើ​អស់​អ្នក​ដែល​រាប់​ខ្លួន​ថា ជា​អ្នក​ជឿ​ព្រះយេស៊ូវ​គ្រីស្ទ ប៉ុន្តែ​ទំនង​ពួកគេ​មិន​មាន​តួនាទី ឬ​ការ​ងារ​ណា​មួយ​នៅ​ក្នុង​ព្រះវិហារ​នោះ​ទេ។ ពួកគេ​គ្រាន់​ទេ​មាន​វត្ត​មាន​ក្នុង​ក្រុម​ជំនុំ​ប៉ុណ្ណោះ ជួន​កាល​ម្ដង​កាលៗ។ គ្រីស្ទាន​ធម្មតាៗ ប្រហែល​ពួក​គេ​បាន​លើក​ឡើង​ថា គ្រាន់​តែ​ទទួល​ជឿ​ព្រះយេស៊ូវ​រួច​ហើយ នោះ​ត្រូវ​បាន​មនុស្ស​ហៅ​ខ្លួ​ន​ពួកគេ​ថា ជា «គ្រីស្ទាន» និង​គេ​ដែរ បន្ទាប់​មក​ពួកគេ​គិត​ថា មិន​ចាច់​ធ្វើ​អ្វី​ដែល​ព្រះ​បន្ទូល​បាន​បង្គាប់ ឬ​មិន​ចាំ​បាច់ផ្ដោត​ទៅ​លើ​ព្រះ​គម្ពីរ​ខ្លាំង​ពេក​នោះ​ទេ មិន​ចាំ​បាច់​មាន​ការ​ឆេះឆួល​ខ្លាំង​ពេក មិន​ចាំបាច់​ខ្វល់​អំពី​គោល​លទ្ធិ មិន​ចាំបាច់​ប្រកាស និង​ការ​ឈោង​ចាប់​មនុស្ស ឬ​ក៏​រស់​នៅ​ក្នុង​ភាព​ត្រឹមត្រូវ​តាម​បទ​គម្ពីរ​បាន​តម្រូវ មិន​ចាំ​បាច់​ជឿ​ស៊ប់​ពេក​លើ​ជំនឿ មិន​ចាំ​បាច់​តឹងរ៉ឹង​ខាង​ឯ​សេចក្ដី​ជំនឿ​ខ្លាំង​ពេក​នោះ​ទេ។ល។ គ្រីស្ទាន​ធម្មតាៗ ជួន​កាល​ពួកគេ​គិត​ថា មិន​ត្រូវ​ធ្វើ​អ្វី​ទាំង​អស់​គ្រាន់​តែ​ពោល​ថា ពួក​គេ​ជា​អ្នក​ជឿ​ព្រះយេស៊ូវ​ប៉ុណ្ណោះ​គឺ​គ្រប់​គ្រាន់​ហើយ ប្រសិន​បើ​មាន​នរណា​គេ​សួរ​នោះ។ ជា​ទូទៅ គ្រីស្ទាន​ធម្មតាៗ មិន​មាន​ជំនឿ​មាំ​នោះ​ទេ ឬ​មាន​ចំនេះ​ដឹង​លើ​ព្រះ​គម្ពីរ និង​ព្រះបន្ទូល​របស់​ព្រះ​ទេ ទំនង​ពួកគេ​សប្បាយ​រីករាយ​និង​កម្មវិធី​ក្នុង​ព្រះវិហារ នៅ​ចុង​សប្ដាហ៍​ដូច​ជា ដំណើរ​កំសាន្ត​ការ​ប្រកប​គ្នា កម្មវិធី​បោះ​ជំរុំ កម្មវិធី​សិក្ខា​សិលា​ណា​មួយ។ល។ ពួក​គេ​ទំនង​ជា​ចូលចិត្ត​កម្មវិធី​មនុស្ស​ធម៌​ផង​ដែរ ក្នុង​កាលៈ​ទេសៈ​ពេល​ខ្លះ។ ជា​និច្ច​កាល នៅ​ពេល​ដែល​ពួកគេ​ជួប​នរណា​ម្នាក់ ឬ​ក៏​គ្រីស្ទាន​ណា​ម្នាក់​ពួកគេ​មិន​សូវ មាន​ការ​សន្ទនា​គ្នា​អំពី​ជីវិត​ខាង​ឯ​ព្រលឹង​វិញ្ញាណ ឬ​ក៏​អំពី​ព្រះបន្ទូល​ព្រះ ឬ​ក៏​អំពី​ជីវិត​ជា​គ្រីស្ទបរិស័ទ​រស់​នៅ​យ៉ាង​ម្ដេច​នោះ​ដែរ។ ពួក​គេ​រីករាយ​និង​មាន​មោទន​ភាព​ចំពោះ​ខ្លួន​ពួកគេ​ថា ជា​គ្រីស្ទាន ឬ​គ្រីស្ទបរិស័ទ។ ប៉ុន្តែ​ពួកគេ​មិន​អនុវត្ត​ជំនឿ​ដូច​អត្ថន័យ​ដើម ដែល​ពួក​មនុស្ស​នៅ «អាន់​ទូយ៉ូក» ហៅ​ពួក​សិស្ស​ដំបូង​ថា ជា​គ្រីស្ទាន​នោះ​ទេ។ គ្រីស្ទាន​ធម្មតាៗ ភាគ​ច្រើន​ពួកគេ​នឹង​រសាត់​ពី​ជំនឿ ដោយ​មិន​ត្រូវ​ការ​រយៈពេល​យូរ ឬ​ខ្លី​នោះ​ទេ​ពោល​គឺ​ពួក​គេ​បាន​ដាច់​ចេញ​ទៅ​ហើយ។ ទំនង​ពួកគេ​ចាប់​អារម្មណ៍​លើ​ការ​អស្ចារ្យ​ខ្លះៗ​ពី​បុគ្គល​ដែល​ល្បីៗដែរ ប្រសិន​បើ​មាន​គ្រូ​ណា​ម្នាក់​មក​អធិប្បាយ ឬ​ធ្វើ​កម្មវិធី​អ្វី​មួយ​ណា​លើ​ឆាក។ល។ គ្រីស្ទាន​ធម្មតាៗ ចូលចិត្ត​បង្ហាញ​សកម្មភាព​ណា ដែល​ធ្វើ​ឲ្យ​មនុស្ស ឬ​គ្រីស្ទាន​ដទៃៗ ឃើញ​មុខមាត់ នៅ​ក្នុង​កម្មវិធី​ធំដុំ​ណា​មួយដូច​នៅ​លើ​ឆាក ពួកគេ​ចូលចិត្ត​ការ​ល្បី​ឡូយ​ឆាយ ជា​ជាង​ការ​រងទុក្ខ ពួក​គេ​ចូល​ចិត្ត​មុខមាត់ ជា​ជាង​ឲ្យ​ព្រះនាម​ព្រះ​ល្បី​ខ្ទរ​រន្ទឺ ពួកគេ​ចូល​ចិត្ត​មនុស្ស​ច្រើន​មើល​មក​ខ្លួន នៅ​ក្នុង​វត្ត​មាន​ដ៏​អស្ចារ្យ​រំភើប ជា​ជាង​ចូល​ទៅ​កាន់​មនុស្ស​ដែល​មាន​​ការ​លំបាកៗនៅ​ក្នុង​តំបន់​ដាច់​ស្រយាល​ជា​ច្រើន​ណា​មួយ។ល។ គ្រីស្ទាន​ធម្មតាៗ មិន​ចូល​ចិត្ត​វែក​ញែក​អំពី​សេចក្ដី​ពិត ដេញ​ដោល​ក្នុង​សេចក្ដី​ពិត​នៅ​ព្រះ​គម្ពីរ​ច្រើន​ពេក​នោះទេ។ ពួកគេ​មិន​ចង់​ឲ្យ​មាន​ការ​បែក​បាក់​គ្នា​ក្នុង​ជំនឿ​គ្រីស្ទបរិស័ទ​កើត​ឡើង​ឡើយ ដែល​ធ្វើ​ឲ្យ​ពួកគាត់​បាត់បង់​ប្រជាប្រិយភាព និង​មុខ​មាត់​ផង​ដែរ។ ពួក​គេ​គ្មាន​ជំហរ​ខាង​ណា​ខាង​ណី​នោះ​ទេ។ ពួក​គេ តែងតែ​ត្រូវ​គ្នា​ជា​និច្ច មិន​ថា ក្រុម​ខាង​ខុស​ឆ្គង ឬ​មិន​ខុស​ឆ្គង។ ពួក​គេ​តែងតែ​សន្តិភាព​និយម​ជា​និច្ច។

សូមជម្រាបសួរបងប្អូនរួមជំនឿក្នុងព្រះគ្រីស្ទ !

សម្រាប់វីដេអូដែលលោកអ្នកចង់យកទៅបង្ហោះបន្តក្នុងផ្នែកការងារណាមួយរបស់លោកអ្នក ខ្ញុំមិនបានដាក់សិទ្ធិអ្វីនោះទេ លោកអ្នកអាចយកទៅប្រើប្រាស់បាន ឬក៏ចែករំលែកបានដោយមិនចាំបាច់ប្រាប់ខ្ញុំក៏បាន ប្រាប់ខ្ញុំក៏បាន។ ​ហើយខ្ញុំនិងព្យាយាមធ្វើវីដេអូទីបន្ទាល់ផ្សេងៗទៀតដើម្បីជាការលើកទឹកចិត្តដល់គ្រីស្ទាន និងអ្នកមិនទាន់ជឿបានស្គាល់ព្រះតាមរយៈ បណ្ដាញសង្គមផងដែរ។ ខ្ញុំសង្ឃឹមថា តាមរយៈឆាណែល #ធនធានគ្រីស្ទាននេះ នឹងជួយលោកអ្នករឹងមាំក្នុងជំនឿ ហើយកុំលង់ជាមួយនឹងសេចក្ដីខុសឆ្គងជាច្រើនផងដែរ។ល។

រាល់សេចក្ដីវីដេអូអធិប្បាយទាំងអស់សុទ្ធតែមានសិទ្ធអនុញ្ញាតិពីម្ចាស់ដើម (ខ្ញុំបានសុំសិទ្ធផ្ទាល់) និងមានគោលលទ្ធិច្បាស់លាស់ ត្រឹមត្រូវ។

ហើយជំហរក្នុង ឆាណែលមួយនេះ យើងប្រើប្រាស់តែគម្ពីរប៊ីប ឬបរិសុទ្ធ ដើម្បីជាគ្រឹះនៃគោលលទ្ធិ ក្នុងការសិក្សាព្រះបន្ទូល ហើយឈរនៅក្នុងទម្រង់ ប្រូតេស្ដង់ផងដែរ។
----------------------------------------------------------------------------------------------------