Скачать или смотреть უკრაინაში დაკავებული ქართველი ჯარისკაცის საქმეს დეპუტატები ეხმაურებიან

საპარლამენტო უმცირესობა უკრაინულ მხარეს მოუწოდებს, არ დაუშვას გიორგი ცერცვაძის რუსეთის მხარისთვის გადაცემა.

ფრაქცია „ევროპული საქართველო“ ასევე მოუწოდებს ხელისუფლებას, ყველა ნაბიჯი გადადგას უკრაინაში დაკავებული ქართველი ჯარისკაცის დასახმარებლად.

ფრაქციაში მიიჩნევენ, რომ ცერცვაძის პასუხისგებაში მისაცემად საქართველოს ხელისუფლებამ რუსეთის ფედერაციასთან ითანამშრომლა.

ფრაქცია მოუწოდებს ხელისუფლებას, უზრუნველყოს დაკავებულის დაცვა და უკრაინული სასამართლოსთვის შესაბამისი მტკიცებულებების მიწოდება. ასევე, მოუწოდებს შინაგან საქმეთა და საგარეო სამინისტროებს, მომხდარი განმარტონ. მოგვიანებით კი გამოიძიონ, ვინ ითანამშრომლა რუსეთის სახელმწიფოსთან.

მომხდარზე კომენტარი გააკეთეს საპარლამენტო უმრავლესობაშიც. საკითხს ეხმაურება მთავარი პროკურატურაც, სადაც აცხადებენ, რომ უწყებისთვის არცერთ კომპეტენტურ უცხოურ ორგანოს არ მიუმართავს და ისინი არ ფლობენ რაიმე სახის ინფორმაციას.

შეგახსენებთ, გიორგი ცერცვაძე უკრაინაში რამდენიმე დღის წინ დაიჭირეს. მას 40 დღიანი წინასწარი პატიმრობა აქვს შეფარდებული.