6 SEPTEMBER 2024 CHIBAI MIZORAM

New Delhi a cham mek, Power Minister Pu F Rodingliana chuan power sector hnuaia central ministry leh department hrang hrangte dawrin, Mizoramin kawlphetha a tharchhuah tipung turin central sorkar atanga puihna awm theite a sawipui.

Pu F Rodingliana hian thawhlehni khan Pu Pankaj Agarwal, Power Secretary chu hmu in hydel project leh nizung chakna hmanga Mizoram-in kawlphetha tam zawk a thar theih dan tur leh central atanga puihna awm theite an sawi dun a, Mizoram power infrastructure tihchangtlunna tur project hrang hrang Power Ministry a thehluhte a ranglama pawisa release turin a ngen bawk a ni. Pu F Rodingliana hian Pu Bhupinder Singh Bhalla, Secretary, Ministry of New & Renewable Energy pawh hmu in Sorkar laipui atanga Small Hydel Project siamna tur tanpuina awm thin, kum 2017 a tihtawp tak chu tuaithar leh vat anih theih nan hmalakpui turin a ngen a, MNRE Secretary hian tun atanga reiloteah Central Cabinet pass tura chhawpchhuak theih a inbeisei thu a lo hrilh a ni.
Power Minister Pu F Rodingliana hian Pu Vivek Kumar Dewangan, Chairman & Managing Director, REC nen pawh inhmuin RDSS scheme hnuaia hnathawh mek leh hnathawh hmabak la awmte, central atanga sum la release loh awmte pekchhuah anih dan turte a sawipui bawk a ni. Pu F.Rodingliana, Minister, Power & Electricity hi Pi K Lalrinzuali, Secretary to the Government of Mizoram, Power & Electricity Dept in a tawiawm a ni.
==================