İnsaf da yaxşı şeydir! (Zeynəb Xanlarova) - Bəstəkar Emin Sabitoğlu

Bəstəkar Emin Sabitoğlu, Söz: Rəsul Rza, İfaçı: SSRİ Xalq Artisti Zeynəb Xanlarova   / eminsabitoghlu  

--
İnsaf da yaxşı şeydir (1954)

Ürəyimin sevinci
sənin yadigarındır.
Yuxumu qaçıran da,
sənin intizarındır.
Sən dərdimdən xəbərsiz.
Sən nəşəli, kədərsiz.
Görən deyir:
-Bu göyçək,
hansı bəxtəvərindir?!
El içində xar oldum.
Dildən-dilə car oldum.
Yar deməyə qorxuram,
əcəb bəxtiyar oldum!

Gözlərinin rəngini
Dağlarda axtarmışam.
Saçlarının ətrini
bağlarda axtarmışam.
Mən gələndə gedirsən.
Mən gedəndə gəlirsən.
Elə bil sən baharsan,
mən şaxtalı bir qışam.
Qərarımı kəsən yar!
Söz deməmiş küsən yar!
Nə dedim ki, incidin!
De! Bu mən, yar, bu sən yar!

Fərhad olsaydım əgər
qayaları yarardım.
Məcnun olsaydım əgər
min fəryad qoparardım.
Dedim: - Sevirəm səni!
Dedin: - eh, gözüm aydın.
Burda nitqim kəsildi.
Burda sözüm qurtardı.
Könlüm nəğməli neydir.
Dilim dolu gileydir.
Öldürdü nazın məni.
İnsaf da yaxşı şeydir.


#EminSabitoğlu #ZeynebXanlarova #insafdayaxsiseydir

Tags: Emin Sabitoglu, Resul Rza, Zeyneb Xanlarova, bu qelbimin sevinci, senin yadigarindir, sanin yadegarin, insaf da yaxsi seydir, Tukezban Ismayilova, saf esqim