Скачать или смотреть أفراح الهدلان || الشاعر || طلال العواد || الشاعر || ماجد العواد || اداء || شبل الجميل

يارسول الشعر هات اطلق تحيه
الاسامي كل ابوها نخبويه
روس شعارك تراها حاتميه
حاضرين كلهم رهن الاشاره
‏
مرحباً واهلا بسمحين المحيا
الرجال أهل المواقف والحميا
الصدور تشيلكم قبل الثريا
خطوة الغالي لنا مثل البشارة

مرحبا في ليلةً غير الليالي
عند ابن هدلان ياكرام السبالي
الشحم والعود الازرق والدلالي
في محلً تشتعل بالعز ناره

باسم أبو طلال حضرت القصيدة
ذاك عواد الخليف الله يزيده
محزمي عند المواقيف العنيده
درعنا لامن غدا للوقت غاره

هو ذرانا كلنا حاضر وماضي
قبل توزيع العقاري والاراضي
سمعته بالطيب يكساها البياضي
الحميه والوفا دايم شعاره

‏في زفاف أحمد عسى تبطي سنينه
والسعادة والفرح قدام عينه
ليلةً شعشع ضياها بالمدينة
في حضورً كنك بقصر الإماره

‏يوم كلاً يفخر بطاري عضيده
يا إخواني يا فرح قلبي وعيده
روسنا للعز والنظرة بعيدة
للوفاء والطيب ما نبغى استشاره

ان حضرنا دايمٍ بالصف الاول
في مقر العز نرقى مانحول
وجهنا بالطيب واحد ماتحول
ماخذينا المجد والعز استعاره

من زمان الشايب اللي شاع صيته
جدنا خليف البطي معروف بيته
ماهو من اللي تدور مالقيته
مثل نجم الجدي معروفٍ مداره

قال ماجدشطر واطربني بقوله
رجلنا لامن حضر تطنخ فعوله
دولةً في دولةً في وسط دوله
من يلوم الكفو لازاد افتخاره

ولابتي في حزة الوقفات لابه
كانها جت بالتحدي والمجابه
منهم يشيب الولد باول شبابه
التواضع والوفى فينا وقاره

السعد ياسعد عين اللي تفاخر
محزمٍ له حزة الهيات ذاخر
اشهدنه يكسب المجد من الاخر
والسعد تاج الفخر وسم وصداره

السعد ياذروة المجد وشداده
عينكم للعز ماتبغى شهاده
والعدو ياويله ان زاد بعناده
كلما شاف السعد غير مساره

كل خلق الله لنا ربع ورفاقه
نحفظ الخوه ولانبيع الصداقه
لو ينافقنا المنافق في نفاقه
ضاعت علومه ولوكله جساره