Скачать или смотреть Myanmar pork with sour bamboo shoot and homemade noodle soup

ဝက်သားနဲ့ မျှစ်ချဉ် ကို Homemade ခေါက်ဆွဲလေးနဲ့ တစ်မျိုးလေးထွင်စားဖြစ်တယ်။ လွယ်ပါတယ်။ try ကြည့်ကြပါ

ဝက်သားနဲ့မျှစ်ချဉ် ကို homemade noodles လေးနဲ့ ချက်စားဖြစ်တယ်။
Japanese Ramen လိုလေးပေါ့။

လွယ်ပါတယ် လိုက်ချက်စားကြည့်ပါ။

ဝက်သား ပေါင်သား 1.5kg
မျှစ်ချဉ် 1 kg ( ပြုတ်ထားပါ)
ကြက်သွန်နီ ၇ လုံး ( ပါးပါးလှီး သို့မဟုတ် ကြိတ်ထားပါ)
ကြက်သွန်ဖြူ ၅ မွှာ ( ဓားပြားရိုက် )
ငံပြာရည် ၂ ဇွန်း (ထမင်းစားဇွန်း )
နနွင်းမှုန့် ၁ ဇွန်း ( ထမင်းစားဇွန်း )
အရောင်တင်မှုန့် ၁ ဇွန်း ( ထမင်းစားဇွန်း )
ဆား အရသာ သင့်ရုံ
ငပိ ၁ ဇွန်း ( မီးကင်ပြီးသား)

ပြုလုပ်နည်း
ဝက်သားကို ပေါင်အတွင်းက အသားများကို အနေတော် လှီး ပြီး ခေါက်အသားတွဲလျက်ကို ဟင်းခတ်အမွှေးအကြိုင်များနှင့် သမအောင်နယ်ပြီး နှပ်ထားပါ ။
အခေါက်အသား ပြားကို ဟင်းချက်ကြိုးဖြင့်အလိတ်ဖြစ်အောင် ချည်ပါ။
ဝက်သားလိတ်ကို ဆီပါးပါး ဖြင့် အပူပေး၍ အိုးထဲထည့်၍ အိုးကင်းကပ်ပါ

ဆီသတ်
ကြက်သွန်ဖြူ ကြက်သွန်နီ နနွင်း အရောင်တင်မှုန့် တို့ဖြင့် အသေအချာလုံးပါ။
တုံးထားသော အသားများထည့် ။ ရေမထည့်ရသေးပါ။ အသားအရောင်ပြောင်းလျှင် ဝက်သားမှ ထွက်သောအဆီနှင့် ကြက်သွန်မှ ထွက်သောအရည်ခန်းလုလျှင် ပြုတ်ထားသော မျှစ်ချဉ်ထည့်ပါ
သေချာလုံးပြီးမှ ဝက်ပေါင်ရိုးပြုတ်ထားသော အရည်ကို မြုပ်အောင်ထည့် အဖုံးအုပ်ထားပါ ။
အရသာ အပေါ့အငန်ထည့်ပါ ။
ဝက်သားလိတ် နူးအိလာလျှင် ဆယ်၍ ခနအအေးခံထားပါ ။ မျှစ်ချဉ်အရည်ကို ခေါက်ဆွဲနှင့်စားမည့်ပမာဏ ဖယ်ထားပါ ။

Homemade noodle

ဂျုံ ၈၀၀ gm
ရေ ၄၀၀ ml
ဆား ၂၀ gm
ဆီ အနည်းငယ်

အလွယ်ကူဆုံးနည်းလမ်းလေး မျှဝေပေးလိုက်ပါတယ်။

ပြုလုပ်နည်း

*ဂျုံကိုဇကာချ ပြီး ဆားနဲ့ အရင် သမအောင်မွှေထားပါ
ရေကိုဖြည်းဖြည်းချင်းထည့်ပါ။ Dough ဖြစ်အောင် နယ်ပါ။
၁၀ မိနစ် နှပ်ပါ။ ပြန်ထုချေပါ။
ဒုတိယအကြိမ် ၁၀မိနစ် နှပ်ပါ။ ပြန်ထုချေပါ။
နောက်ဆုံး ၁ နာရီ ၃၀ မိနစ် နှပ်ပါ။
မုန့်သား Dough နပ်လာလျှင် ဒလိမ့်တုန်းဖြင့် လှိမ့်ပါ။
ဆီအနည်းငယ်ဖြင့် သုတ်ပေးပါ
လက်ဖြင့်မဆွဲ နိုင်လျင် ဓားဖြင့်လှီးပေးပါ။ ၁၀ခု တစ်ဖြတ်လှီးပြီး ထိပ်နှစ်ဖက်ကိုဆွဲဆန့်ပေးပါ။
ထိပ်ပိတ်နှစ်ခုကိုဖြတ်ပြီး မုန့်သားအဖြစ်ပြန်လုံးပါ။
ရလာသောခေါက်ဆွဲ ကို ပြုတ်၍ မျှစ်ချဉ်အရည် ဖြင့် သုံးဆောင်ပါ။

တွဲဖက်စားစရာအဖြစ်
အစိမ်းရောင်အရွက်များ ( ကျွန်တော်ကတော့ spinach ဟင်းနုနွယ်ကို blanched ရေဖျောပြီး ထည့်စားတယ် )
ကြက်ဥကို အကာလေးကြက်ရုံ ပြုတ်ပြီး တွဲပေးထားတယ်။
နူးအိနေတဲ့ ဝက်သားကို အကွင်းလိုက်လှီးပြီး တွဲပေးထားတယ်

ခေါက်ဆွဲက Readymade မဟုတ်လို့ အရမ်းနူးညံ့တယ်။ မျှစ်ချဉ်အရည်က အရသာမျှတပြီး ဝက်သားလိတ်နဲ့ ကြကိဥက လိုက်ဖက်တယ်။

သူနဲ့တွဲစားဖို့ သခွါားသီးသုပ်လေးတော့နောက်နေ့မှပဲ တင်ပေးတော့မယ်။

အိမ်မှာပဲချက်စားစား။ ဆိုင်အနေနဲ့ ပဲ လုပ်ရောင်းရောင်းအဆင်ပြေပါတယ်။ ကျွန်တော်တို့ မြန်မာတွေစားလေ့ရှိတဲ့ အစားအစာတွေကိုလည်း ထွင်ပြီး နိုင်ငံတကာထိုးဖောက်လို့ရနိုင်ပါတယ်။

Chef Romeo

အောက်မှာ TikTok link နဲ့ Instagram link လေးလည်း ထည့်ပေးထားပါတယ် သူငယ်ချင်းတို့။ 🤗 အားတဲ့အခါတိုင်း တင်ပေးသွားပါ့မယ်။

https://www.tiktok.com/@chef.romeo.thu?_t=...

https://www.instagram.com/romeothu?igsh=MW...

https://fb.watch/tLLyIvOQqX/?