სალომე ზურაბიშვილის ბრიფინგი - გამოხმაურება

პოლიტიკური შეფასებების თემაა სალომე ზურაბიშვილის განცხადება, სადაც ის ეუთო/ოდირის დასკვნის საფუძველზე, ხელახალი არჩევნების დანიშვნას ითხოვს. პრეზიდენტის ამ აზრს სრულად იზიარებს ოპოზიცია, ხელისუფლებაში კი სალომე ზურაბიშვილის განცხადებებს სერიოზულად არ აღიქვამენ და ახსენებენ, რომ მისი საპრეზიდენტო ვადა ერთ კვირაში იწურება.

ცნობისთვის, განცხადება ხელახალი არჩევნების დანიშვნის შესახებ სალომე ზურაბიშვილმა ორბელიანების სასახლეში გუშინ გააკეთა. მან გამოთქვა მზადყოფნა, რომ ამ საკითხთან დაკავშირებით „ქართული ოცნების“ საპატიო თავმჯდომარეს, ბიძინა ივანიშვილს შეხვდეს. მისივე თქმით, უნდა მოხდეს ზეწოლა ივანიშვილზე, რომ ახალი არჩევნები დანიშნოს და ამისთვის კონსტიტუციური ფორმების მოფიქრება ძალიან მარტივია. პრეზიდენტმა დღეს დაგეგმილ აქციაზეც ისაუბრა და თქვა, რომ საღამოს პარლამენტთან მივა და აქციის მონაწილეებს მიმართავს. ორბელიანების სასახლეში გამართულ ბრიფინგზე სალომე ზურაბიშვილთან ერთად ოპოზიციის, სამოქალაქო და არასამთავრობო ორგანიზაციების წარმომადგენლებიც იმყოფებოდნენ.

ეწვიეთ ჩვენს საიტს - https://1tv.ge/
მოიწონეთ ჩვენი გვერდი -   / 1stchannel.1tv.ge  
გამოიწერეთ ჩვენი არხი -    / georgianpb  
ვიდეო წარმოადგენს საზოგადოებრივი მაუწყებლის საკუთრებას.
მისი გავრცელება შეგიძლიათ მხოლოდ ბმულის გაზიარებით.
დაუშვებელია მასალის ჩამოტვირთვა და სხვაგან ატვირთვა,
ამ შემთხვევაში მაუწყებელი უფლებას იტოვებს მიმართოს შესაბამის ზომებს.