Скачать или смотреть 馮淬帆離世丨冷面笑匠「收縮水」締造經典 牛精帆「金山橙你個提子」成絕響

馮淬帆離世丨冷面笑匠「收縮水」締造經典 牛精帆「金山橙你個提子」成絕響

#馮淬帆 #離世 #冷面笑匠 #收縮水 #牛精帆 #金山橙你個提子 #港產片 #黃金時代 #貢獻 #粵劇 #精裝追女仔 #五福星 #犀牛皮 #福星闖江湖 #每當變幻時 #意外 #鬼們之蝴蝶大廈 #癲佬正傳

81歲資深演員馮淬帆辭世，不少影迷得知消息後感到非常難過，馮淬帆今件5月因血氧濃度不足留院兩個月，並指需要依賴氧氣機生活，同年10月初再度入院，今日傳出噩耗，許多網民感到不捨，衷心感激馮淬帆為港產片黃金時代畢生貢獻。

馮淬帆生於粵劇世家，其父馮鏡華為粵劇武生及老生、母親吳慧儂亦係粵劇名伶，二人共育有四女一子，馮淬帆排名第五。其中長姊白楊及三姊馮未晚皆為粵劇演員，馮淬帆1950年隨家人赴香港發展。

馮淬帆1965年參與電影幕前處女作演出後從此投身影壇，更成為楚原首徒，1968年轉投無綫電視，1983年起演出「福星」系列電影、1987年演出一系列《精裝追女仔》電影，馮淬帆曾先後擔任電視及電影導演。

馮淬帆喺《五福星》系列與洪金寶、吳耀漢搭檔，其飾演「犀牛皮」令觀眾留下深刻印象；《精裝追女仔》飾演刻薄上司劉定堅被整蠱變成「收縮水」而全身痙攣，成為其經典角色之一。而《最佳損友》中因唔少廣東俗語粗口難以直接翻譯，對白就於外地版本改為「金山橙你個提子」、「香蕉你個番石榴」把粗口水果化，亦流傳至今，馮淬帆更曾執導《福星闖江湖》及《老友鬼上身》等作品。

馮淬帆近年轉型正劇為主，於杜琪峯監製嘅《意外》飾演罹患腦退化症殺手成員，細膩演技獲得金像獎最佳男配角提名；又於《每當變幻時》飾演楊千嬅父親，展現溫暖慈父一面。馮淬帆其後演出「我愛香港」系列電影，發揮其詼諧搞笑功力。

神隱多年嘅馮淬帆，年初亦出山與金鐘獎最佳女主角尹馨、何超儀、曹佑寧同安心亞參演以台灣著名猛鬼大廈為藍本嘅電影《鬼們之蝴蝶大廈》。

電影中嘅「蝴蝶大廈」係以台北著名凶宅「錦新大樓」為藍本，提到同片嘅馮淬帆，Josie指對方嘅電影係陪伴住自己成長，亦帶畀香港人好多歡樂回憶，而佢最欣賞嘅就係對方喺《癲佬正傳》入面嘅細膩感人演出，不過可惜嘅係今次喺戲中Josie同對方冇對手戲。

已經有一段時間冇喺大銀幕演出嘅馮淬帆，笑指自己係天才型演員，所以從未刻意為拍攝準備，佢仲分享曾經見過劇組人員疑因隨地小解而得罪鬼神，突然對住大樹狂打，所以自始之後佢每次出外景，都會用中、英、台語同廣東話講「唔該借借」。提到近年生活，馮淬帆坦承自己患有糖尿病，所以近年飲食都好清淡，平時最鍾意就係約朋友一齊打桌球，生活相當愜意。
#TVB #娛樂新聞 #TVB娛樂新聞台

#ENews #HKENews #香港娛樂八卦新聞 #八卦新聞

即刻Follow TVB 娛樂新聞台 Facebook專頁
  / tvbenews  

登入myTV SUPER享受睇TVB自製節目7日包括娛樂新聞的免費點播
https://bit.ly/2TXLlM0