Скачать или смотреть # विवाह संस्कार भाग १ # प्रास्ताविक # Vivah Sanskar 1 # Shrikant Gopal Kale

स्त्री-पुरुषांमधील आकर्षण ही एक नैसर्गिक गोष्ट आहे; पण हे आकर्षण जेव्हा अनिर्बंध होते तेव्हा ते समाजस्वास्थ्याला घातक ठरते.समाजस्वास्थ्यासाठी या आकर्षणाला काही नियमात बांधणे आवश्यक आहे हे आपल्या समाजधुरीणांना हजारो वर्षांपूर्वी जाणवले होते. त्यांच्या प्रज्ञेतून मग त्यांनी निर्माण केला "विवाह विधी," ज्या द्वारे त्यांनी व्यक्तीच्या स्थायी समाधानासाठी, प्रजोत्पादनासाठी आणि समाजस्वास्थ्यासाठी काही नियम प्रस्थापित केले आणि त्याला एका संस्काराचे रूप दिले. मात्र हे सगळे संस्कृतमध्ये असल्यामुळे ते आपल्याला भाषेच्या अज्ञानामुळे समजत नाही आणि मग आपण केवळ गुरुजी जे सांगतात तसे करत रहातो, जे केवळ अर्थ हरवलेले कर्मकांड असते. विवाह हा "संस्कार" न रहाता केवळ "समारंभ" होतो.
माझ्या मुलीच्या लग्नात या विधींसाठी मलाही बसावे लागणार हे जेव्हा ठरले, तेव्हा मी विवाह विधी, त्यावेळी म्हटले जाणारे मंत्र या विषयी वाचन सुरु केले आणि मला जाणवले की आपल्या पूर्वजांनी हे केवढे मोठे संचित आपल्यासाठी ठेवले आहे.असेही वाटले की हे समजून न घेता काही मंडळी याची टिंगल-टवाळी करतात ही खेदाची बाब आहे. जे मी वाचले आणि माझ्या अल्पमतीप्रमाणे समजून घेतले ते तुम्हाला सांगण्यासाठी "साहित्यिक गपा आणि कविता" या चॅनेलवरून "विवाह संस्कार" ही मालिका सादर करीत आहोत.
विवाहसंस्काराचे महत्व काय आहे, प्रमुख विवाह विधी कोणते, या विवाह विधींचा उद्देश काय, ते विधी करताना कोणते प्रमुख मंत्र म्हणतात, त्या मंत्रांचा नेमका अर्थ काय, हे मंत्र म्हणण्यामागे काय उद्देश असतो या सर्व गोष्टींचा आपण या निमित्ताने आढावा घेणार आहोत. या मालिकेतील हा पहिला व्हिडिओ.
हा व्हिडिओ जरूर पहा आणि आवडला तर मित्रमंडळींना पाठवा, लाईक करा आणि कमेंट सेक्शनमध्येच आपल्या प्रतिक्रियाही जरूर कळवा. "केवळ करमणूक नाही तर विचारांनाही खाद्य" या भूमिकेतून साहित्यिक गप्पा आणि कविता या चॅनलच्या माध्यमातून दरमहा एक व्हिडिओ सादर केला जातो. चॅनलला अद्याप सबस्क्राईब केले नसेल तर तेही करा आणि मित्रमंडळींनाही या साहित्ययात्रेत सामील होण्याची विनंती करा.
ताजा कलम: चॅनेलला सबस्क्राईब करणे अगदी फुकट आहे, तेंव्हा व्हिडिओ खालचे SUBSCRIBE हे बटन बिनधास्त दाबा. आनंदात रहा. धन्यवाद.
श्रीकांत काळे
साहित्यिक गप्पा आणि कविता
आम्हा घरी धन शब्दांचीच रत्ने। शब्द वाटू जन धन लोका।