Rizvan Fikrətoğlu: Məktəblərdə hicab anlayışla qəbul edilməli, qadağan olunmamalıdır

Xidmətlərimiz:
- Magistraturaya, ali məktəblərə, kolleclərə, yüksək peşə məktəblərinə İXTİSAS SEÇİMİ,
- Şəxsi kabinetin yaradılması, bərpası, sənəd qəbulu prosesləri,
- Dövlət qulluğuna, magistraturaya, ali məktəblərə, kolleclərə, MİQ-ə və digər istiqamətlərə hazırlıq,
- Övladınıza düzgün ixtisas qrupunun müəyyən edilməsi üçün KONSULTASİYA,
- Xaricdə təhsil, transfer (köçürmə)

Əlaqə nömrəmiz: 051346 14 38
______________________________

Mən deməzdim ki, bütün təhsil müəssisələrində hicaba icazə verilir, qadağan olunanları da var. "Ümumtəhsil məktəblərinin nümunəvi nizamnaməsi"nə əsasən, təhsil müəssisələrində hicabdan istifadə olunması məktəblərin öz nizamnamələrinə əsasən müəyyənləşdirilir". SİA-ya açıqlamasında Elm və təhsil eksperti Rizvan Fikrətoğlu bildirib.

Onun sözlərinə görə, konkret desəm, şagirdlərin geyim forması məktəblərin ali orqanı sayılan Pedaqoji Şura tərəfindən müəyyən edilir: "Lakin belə bir həssas məsələnin məktəblərin üzərinə “atılması”nın əleyhinəyəm. Burada hicaba icazə verən və verməyən məktəblər siyahısı formalaşır ki, bu da ayrı-seçkiliyə, fəsadlara yol açır. Bu, mübahisəli məsələ olduğundan və standart sənədlə təsdiqini tapmadığından, burada öz fikirlərimi irəli sürə bilərəm. Hicabın əleyhinə deyiləm və bu məsələ anlayışla qəbul edilməli, qadağan olunmamalıdır. İfratçılığa yol verməmək şərtilə hicabın istifadəsinə bütün məktəblərdə icazə verilməlidir. Anlayıram, vahid məktəbli formaları var, lakin bu məsələdə həssaslıq nümayiş olunmalıdır. Dinin milli dəyərlər sistemimizdə yer alması kimi yanaşsaq, kiminsə dini hissiyatına toxunulmazlığı, tolerantlığı irəli çəkə bilərik. Nə gizlədim, hicablı qızlara xüsusi hörmət bəsləyirəm".

R.Fikrətoğlu qeyd edib ki, Azərbaycanın qanunvericilik sistemində dinin dövlətdən ayrı olması vurğulanır: "Ölkəmizin normativ hüquqi aktının birincisi sayılan Konstitusiyamızın din və dövlət maddəsində dinin dövlətdən ayrı olması, bütün dini etiqadların qanun qarşısında bərabərliyi, eləcə də dövlət təhsil sisteminin dünyəvi xarakter daşıması diqqətə çatdırılır. Konstitusiyamızın vicdan azadlığı maddəsində hər kəsin dinə münasibətini müstəqil müəyyənləşdirmək, dinə münasibətilə bağlı əqidəsini ifadə etmək və yaymaq hüququ təsbit olunur. Bunlarla yanaşı, “Təhsil haqqında qanun”da, "Ümumtəhsil məktəblərinin nümunəvi nizamnaməsi"də və digər qanunvericilik aktlarında hicabın qadağası ilə bağlı heç bir müddəa göstərilmir".