Скачать или смотреть عزاويهم ترد البل 2021 | حصريا جديد فهد بن فصلا | مفلح مشحن | بقوم وفعلهم معروف لامن عنكب البارود

نجوم الليل لابانت وهبت لي هبوب النود
سريت لحالي و كلن من العالم على حاله

تزود الضيقه بصدري وانا اشوف الهموم تزود
واشوف الرجم لو عالي باسوق الرجل وارقاله

عليك الله يا صدري من هموم الليال السود
تحمّل ماش فالدنيا ضمـيرٍ سالي ودالـه

اشوف الوقت متغير لكن قيل الصبر محمود
اشوف الشعر من بعض الخلايق حالته حـاله

يحسْبون الشعر تركيب كلمات وسهود مهود
مع ان الشعر صعْب ويتْعب اللي تقصر حباله

وانا لا من تقدّمت اتقدّم وابذل المجهـود
وانا اللي لا تجمّل مات ما يذكر تجـمّالـه

لا يمكن يجبر الخاطر سواة البر عند الذود
وقرمً مع رجال الطيب والامجاد منزاله

ما اخاوي غير من يقدح نهار الشان قدح زنود
كفو و معربٍ لا من تعزوا جـّده وخـاله

وانا لامن زهمني كل وافي حاضر وموجود
وانا اللي ما تعذر من لزوم الكفو لا جاله

يبو عايش تحزمّ بي لا جاء لازمك وارق سنود
وانا بن مفلح اللي يحتمي قوله ليـا قـاله

تراني يا سعد حاضر وتبشر يا وريث العود
اخوك اللي تعرْفه قبل تعرف رقم جـواله

في حفل سعيد بن عايش زعيم المرجله والجود
كريمً بن كريمً والشعر والمدح يـزهـا له

يعيش وعاشوا اخوانه له حزام وذرى وعضود
عيال الشايب اللي يا عسى فالخلْد منزاله

ونعمً يالهضابين الدهايا يا حمـاة الذود
ليا من ذكر طاريهم تجي الامداح منهاله

هذولا اخوان فرجه كل ما جاك البرا مردود
عزوايهم تـرّد الابلْ ليا من كبرت القاله

هذولا مكرمين الضيف قومً للخويّ سعود
لكن الخصم يبطي ما لقى شيٍ يبى ايـنـالـه

رحامينً مواقفهم جزال وفعلهم مشهود
زحول الاد نامر مثل ضلعً يذري اضلاله

من سهوم المنايا روس قومٍ فاللزوم تجـود
عليّه بالحرام ان هم زحول المجد وارجاله

بقومً فعلهم معروف لا من عنْكب البارود
مقرّ المرجله والطيب واهل العز وابطاله

هذا قولي وانا من دون ربعي حاضر وموجود
وربعي لاد مفلح منبعً للمجد والطاله

دعاجين الفخر من عزوة عتيبه ذرى المضهود
زحولً تذبح الحايل وتلْطم كّل عيـالّه

ونعمً بالقبايل فالمواقف ما عليهم زود
اقول الصح واختم به وصح لسان من قاله