Скачать или смотреть PAKOTE DOKUMENTÁRIU - Suku Seloi-Kraik nakonu ho beleza naturál no produtu ortikultura

Seloi-kraik nu’udar suku ida lokaliza iha postu administrativu Aileu Villa munisípiu Aileu ,Suku Seloi-kraik kompostu husi aldeia 10 mak hanesan Casamou, Colihoho, Lio, Faularan,Talifurleu, Leobraudu, Raicoalefa, Hlalameta,Tabulasi, no Fatumane.
Suku ne’e ho nia luan hamutuk 36,87 Km2. Tuir dadus demográfiku suku seloi. Totál populasaun suku ne’e nian hamutuk rihun haat atus rua hatnulu resin ne’en (4.246) ho Xefe-família, atus sia sanulu resin hitu (917).
Populasaun sira iha seloi-kraik maioria moris nu’udar vida agrikultór hanesan halo to’os natar no haki’ak animál Atividade sira ne’e mak esensiál hodi sustenta sira-nia ekonomia família no refeisaun lorloron nian. Paisajen naturál suku Seloi-kraik identiku ho lagoa seloi iha ne’ebe hanesan tasi kiik ne’ebe laiha laloran hafutar suku ne’e ho beleza enkantadora, alende ne’e suku ne’e nakunu ho foho hale’u ne’ebe dada visitante sira atu vizita maske sedauk dezemvolve diak.