Скачать или смотреть თავისუფალი სივრცე, სივრცე ყველასთვის/გამოფენა სამხატვრო აკადემიაში

ქეთი მატაბელის პროექტი: "თავისუფალი სივრცე: სივრცე ყველასთვის".
პროექტის განმახორციელებლები: თბილისის სახელმწიფო სამხატვრო აკადემია და ხელოვნების ცენტრი "ფოლიანტი". პროექტი განხორციელდა საქართველოს განათლების, მეცნიერების, კულტურისა და სპორტის სამინისტროს დაფინანსებით. პროექტის პარტნიორები: ბათუმის ხელოვნების სასწავლო უნივერსიტეტი და კულტურის აკადემია. პროექტი განხორციელდა პროგრამის - ,,უსაზღვრო შესაძლებლობები“- კულტურულ ღონისძიებებში შშმ პირთა მონაწილეობა“ - ფარგლებში. პროექტის მიზანია - ინოვაციური ფორმებითა და მეთოდებით ტრადიციული და თანამედროვე ხელოვნების ურთიერთსაკომუნიკაციო პლატფორმის ექსპერიმენტული მოდელის შექმნა. პროექტი სრულად ინკლუზიურია: შეიქმნა თავისუფალი შემოქმედებითი ინტეგრაციის სივრცე: სივრცე ყველანაირი ნიჭის, უნარისა და შესაძლებლობების ადამიანებისთვის. მრავალფაქტურული და მრავალკომპონენტიანი მასალები, სინათლის, ჩრდილის, ხმის, სივრცის სინთეზური კომბინაცია აღქმადია სხვადასხვა ტიპის შეზღუდული შესაძლებლობების მქონე პირებისთვის, მათ შორის, მხედველობის პრობლემების შემთხვევებშიც.