Скачать или смотреть បើពួកអ្នកលាក់កំបាំងការបរិច្ចាគ និង ផ្ដល់វាដល់អ្នកក្រីក្រនោះ វាគឺជាការប្រសើរបំផុតសម្រាប់ពួកអ្នក

នាងខ្ញុំឈ្មោះ ណាម៉ួក្រីហ្ជា មកពីសាកលវិទ្យាល័យសេដ្ឋកិច្ចនៃទីក្រុងឡុង។ ជាដំបូងខ្ញុំសូមអរគុណចំពោះសុន្ទរកថារបស់លោក។ ខ្ញុំសូមសួរលោកអំពីវិបត្តុនៅប្រទេសស៊ីរី។ ខ្ញុំមកពីប្រទេសទួរគី។ ដូចអ្នកទាំងអស់គ្នាបានជ្រាបច្បាស់ហើយថា ប្រទេសទួរគីបានទទួលជនភៀសខ្លួនស៊ីរីជិត ២លាន៥សែននាក់ ហើយមានជនជាតិទួរគីខ្លះបានរិះគន់ប្រទេសអារ៉ាប៊ី សាអ៊ូទី ថា ៖
ហេតុអ្វីបានជាប្រទេស អារ៉ាប៊ីសាអ៊ូឌីត មិនព្រមទទួលជនភៀសខ្លួនស៊ីរី និងមិនបានជួយផ្គត់ផ្គង់ពួកគេឲ្យគ្រប់គ្រាន់សមរម្យដូចបណ្តាប្រទេសដទៃទៀត ខណៈដែលប្រទេស អារ៉ាប៊ីសាអ៊ូឌីតជាប្រទេសអ្នកមាន? ហើយលោកបាននិយាយថា ប្រទេសអារ៉ាប៊ីសាអ៊ូឌីត មានការទទួលខុសត្រូវក្នុងនាមជាមជ្ឈមណ្ឌលនៃពិភពអ៊ីស្លាមមួយ ។ ដោយសារតែហេតុនេះហើយ ទើបពលរដ្ឋទួរគីខ្លះនិយាយថា ប្រទេសអារ៉ាប៊ីសាអ៊ូឌីតជាប្រទេសឥស្លាម តើហេតុអ្វីបានជាមិនព្រមជួយជនភៀសខ្លួនស៊ីរីឲ្យបានគ្រប់គ្រាន់?
ដូច្នេះ ខ្ញុំសូមស្នើអោយលោកបកស្រាយអំពីគោលនយោបាយរបស់អារ៉ាប៊ីសាអ៊ូឌីត ទាក់ទងនឹងជនភៀសខ្លួនស៊ីរី?

◤ បាទ សូមអរគុណ! ខ្ញុំគិតថា ខ្ញុំគួរតែពន្យល់ឲ្យបានច្បាស់លាស់ច្រើនជាងនេះអំពីគោលជំហររបស់អារ៉ាប៊ីសាអ៊ូឌីតទាក់ទងនឹងជនភៀសខ្លួនស៊ីរី។ ជាការពិតណាស់ ប្រទេសអារ៉ាប៊ីសាអ៊ូឌីតបានផ្តល់ទិដ្ឋាការជូនជនភៀសខ្លួនស៊ីរីលើសពី ២លាន៥សែននាក់ តាំងពីពេលប្រទេសស៊ីរីចាប់ផ្តើមមានវិបត្តិមកម្លេះ។
យើងបានធ្វើសេចក្តីថ្លែងការណ៍ អំពីបញ្ហានេះ តែគ្មាននរណាម្នាក់បានធ្វើការកត់សម្គាល់ឡើយ។
ជនភៀសខ្លួនស៊ីរីចំនួន ២លាន៥សែននាក់បានភៀសមកកាន់ប្រទេសអារ៉ាប៊ីសាអ៊ូឌីត។

ខ្ញុំគិតថា មានជនភៀសខ្លួនស៊ីរីចំនួន ៦សែន ឬ៧សែននាក់ដែលកំពុងតែបន្តមករស់នៅក្នុងប្រទេសអារ៉ាប៊ីសាអ៊ូឌីត តែគ្មានជនភៀសខ្លួនស៊ីរីណាម្នាក់រស់នៅក្នុងជំរុំជនភៀសខ្លួនឬតង់ឡើយ ពីព្រោះស្តេច សាល់ម៉ាន បានចេញបញ្ជាឲ្យជនជាតិស៊ីរីទាំងអស់ដែលបានមកដល់ប្រទេសអារ៉ាប៊ីសាអ៊ូឌីត ត្រូវទទួលបាននូវទិដ្ឋាការស្នាក់នៅស្របច្បាប់ ដើម្បីឲ្យពួកគេមានលទ្ធភាពបញ្ជូនកូនៗរបស់ពួកគេទៅសាលារៀន ទទួលបានការថែទាំសុខភាព និងជំនួយឧបត្ថម្ភផ្សេងៗរបស់សង្គម ជាពិសេស គឺទទួលបានការងារធ្វើសមរម្យ។ មិនមែនជនភៀសខ្លួនស៊ីរីម្នាក់ទេ គឺរាល់ជនភៀសខ្លួនស៊ីរីចំនួន២.៤លាននាក់ ដែលបានភៀសខ្លួនមកប្រទេសអារ៉ាប៊ីសាអ៊ូឌីត គ្មាននរណាម្នាក់រស់នៅក្នុងតង់ឡើយ ។
ដូចគ្នាដែរ ចំពោះជនជាតិយេមែន យើងក៏បានផ្តល់ជូនពួកគេដូចគ្នាដែរ តាំងពីប្រទេសយេមែនចាប់ផ្តើមមានសង្រ្គាមមកម៉្លេះ។ ជនភៀសខ្លួនយេមែនប្រហែល១លាននាក់បានមកប្រទេសអារ៉ាប៊ីសាអ៊ូឌីត ហើយយើងក៏បានផ្តល់ជូនពួកគេដូចអ្វីដែលបានផ្តល់ទៅជនភៀសខ្លួនស៊ីរីអញ្ចឹងដែរ។
គ្មានជនភៀសខ្លួនយេមែនណាម្នាក់រស់នៅក្នុងជំរុំភៀសខ្លួន ឬតង់នោះឡើយ។

យើងមិនដែលអំនួត ហើយយើងក៏មិនបានថតរូបពួកគេពួកគេបង្អួតអ្វីនោះដែរ។
ពីព្រោះ នេះហើយជាវប្បធម៌របស់យើង ជនភៀសខ្លួនទាំងអស់នោះបានភៀសខ្លួនមក ក៏ព្រោះតែផ្ទះរបស់ពួកគេត្រូវបានបំផ្លិចបំផ្លាញ ហើយពួកគេមកអារ៉ាប៊ីសាអ៊ូឌីត ដើម្បីចង់បានសុខសន្តិភាព និងសុំទីជំរក ហើយយើងបានផ្តល់អោយពួកគេ តាមមធ្យោបាយថែរក្សាកិតិ្តយសរបស់ពួកគេ ហើយគ្មាននរណាម្នាក់ត្រូវបានគេមើលងាយឡើយ។ ហើយក្រុមគ្រួសារនិងកូនៗរបស់ពួកគេវិញ បានរស់នៅក្នុងជីវិតធម្មតាទូទៅតាមលទ្ធភាពដែលពួកគេមាន។

ដូច្នេះ ខ្ញុំសូមអរគុណចំពោះសំនួររបស់ប្អូនស្រី ដែលធ្វើអោយខ្ញុំមានឱកាសណែនាំទៅកាន់អ្នកចូលរួមពេលនេះអោយបានដឹងច្បាស់អំពីគោលនយោបាយរបស់ប្រទេសអារ៉ាប៊ីសាអ៊ូទី ចំពោះជនភៀសខ្លួន។ សូមអរគុណ! ◥
.........................................
អល់ឡោះបានមានព្រះបន្ទូលថា ៖
إِنْ تُبْدُوا الصَّدَقَاتِ فَنِعِمَّا هِيَ ۖ وَإِنْ تُخْفُوهَا وَتُؤْتُوهَا الْفُقَرَاءَ فَهُوَ خَيْرٌ لَكُمْ ۚ وَيُكَفِّرُ عَنْكُمْ مِنْ سَيِّئَاتِكُمْ ۗ وَاللَّهُ بِمَا تَعْمَلُونَ خَبِيرٌ
"ប្រសិនបើពួកអ្នកលាតត្រដាងនូវការបរិច្ចាគទានទាំងឡាយគឺជាការល្អ។ តែប្រសិនបើពួកអ្នកលាក់កំបាំងការបរិច្ចាគ និង ផ្ដល់វាដល់អ្នកក្រីក្រនោះ វាគឺជាការប្រសើរបំផុតសម្រាប់ពួកអ្នក។ ហើយអល់ឡោះនឹងលុបលាងបាបកម្មនានារបស់ពួកអ្នក។ ហើយ អល់ឡោះមហាដឹងនូវអ្វីដែលពួកអ្នកប្រព្រឹត្ដ។" (គម្ពីរគួរអាន 2ៈ271)
_____________________________
ប្រែសម្រួល និងបញ្ចូលសំលេង : ISK
សហការបញ្ចូលសម្លេង : CA
កាត់ត : UAI Cambodia