Скачать или смотреть Al madad Al madad Ya Ali Ya Ali || Safeer-e-Aza Syed Ameer Hassan Amir Noha || Best Noha by Indian |

یا علی یا علی یا علی یا علی
المدد المدد المدد
المدد یا علی یا علی
المدد المدد یا علی یا علی
ایک دروازہ شہر علم نبی
جلوہ نور یزداں کی تابندگی
روح تحریک حق جان پیغمبری
عرش والوں کے اعلی خدا کے ولی
یا علی ادرکنی
المدد المدد یا علی یا علی
--------
حق کے ناصر دو عالم کے مشکل کشا
تیرا اسم گرامی ہے رد بلا
ذکر کیا ہو تیرے حسن امداد کا
جب پکارا تجھے ہر مصیبت ٹلی
یا علی ادرکنی
المدد المدد یا علی یا علی
-------
تجھ سے قائم ہے معیار لوح و قلم
تیرا لہجہ کلام خدا کا بھرم
کشتی نوح پر نام تیرا رقم
تو ہی کنز خفی تو ہی حرف جلی
یا علی ادرکنی
المدد المدد یا علی یا علی
-------
جب تصور میں سورج سے پوچھا گیا
روح حیدر کے ذرے کا مطلب ہے کیا
مسکرا کر جواباً یہ کہنے لگا
روشنی روشنی روشنی روشنی
یا علی ادرکنی
المدد المدد یا علی یا علی
------
بطن ماہی میں یونس کی تنہایاں
ہر گھڑی ہر نفس غم کی پرچھائیںاں
دیکھ کر تیری بخشش کی رعنائیاں
دل کی آنکھوں سے یونس نے آواز دی
یا علی ادرکنی
المدد المدد یا علی یا علی
------
جس پہ سائل نہ خوش ہو وہ خیرات کیا
غیر کا ذکر کیا غیر کی بات کیا
امت مسلمان تیری اوکات کیا
خود پیمبر نے مشکل میں آواز دی
یا علی ادرکنی
المدد المدد یا علی یا علی
-----
راس ان کو نہ آے گا کوئی چمن
تا بہ محشر رہیں گے وہ تشنہ دہن
ان کی مٹھی میں ہو چاہے گنگ و جمن
جن کے دامن میں ہے آنسوؤں کی کمی
یا علی ادرکنی
المدد المدد یا علی یا علی
------
کیا کروں ذکر تنویر زین ا لعبا
اک صحیفہ ہے تحریر زین ا لعبا
شام و کوفہ میں تقریر زین ا لعبا
سنگ کے شہر میں جیسے شیشہ گری
یا علی ادرکنی
المدد المدد یا علی یا علی
-------
اس طرح بےکسوں کو رولایا گیا
ہر قدم اک نیا ظلم ڈھایا گیا
بے ردا اس کو دردر پھرایا گیا
جس کا چہرہ نہ سورج نے دیکھا کبھی
یا علی ادرکنی
المدد المدد یا علی یا علی
------
شہ کی بچی مدد کو بلاتی کسے
جو گزرتی تھی دل پر سناتی کسے
زخم کانوں کے اپنے دکھاتی کسے
کم سنی ہر تماچے پہ کہتی رہی
یا علی ادرکنی
المدد المدد یا علی یا علی
------
دل کے ارمان ہوئے خون میں تر بہ تر
تھام کر ماں کلیجہ گری خاک پر
رن سے خیمے میں جس دم یہ آئ خبر
ہم شبیہہ پیمبر کو برچھی لگی
یا علی ادرکنی
المدد المدد یا علی یا علی
------
بے سہاروں کے جملہ سہارے گئے
قتل ہونے کو آنکھوں کے تارےگئے
ہا ئے عون و محمّد بھی مارے گئے
رن میں مرجھا گیا باغ سبط نبی
یا علی ادرکنی
المدد المدد یا علی یا علی
-------
کوئی پلٹا نہ رن کی طرف جو گیا
ہر جوان نظر راہ خدا ہو گیا
تیر کھا کے ہی بےشیر تو سو گیا
سوچتا ہوں کہ ماں کیسے زندہ رہی
یا علی ادرکنی
المدد المدد یا علی یا علی
-------
اے بلال اس تصور سے گھٹتا ہے دم
چھے مہینے کی جان اور تیر ستم
یہ مصیبت کی منزل یہ رنج و الم
ایسا عامر فلک نے بھی دیکھا کبھی
یا علی ادرکنی
المدد المدد یا علی یا علی
------