Скачать или смотреть Think of Heavenly treasure not worldly -Mathew

छोटो सन्देश: स्वर्गीय धनसम्पत्तिमा ध्यान दिनुहोस्

प्रिय दाजुभाइ, दिदीबहिनी तथा प्रिय मित्रहरू,यदि म तपाईंलाई भन्छु—सांसारिक होइन, स्वर्गीय धनसम्पत्तिको बारेमा सोच्नुहोस्, सायद तपाईं अचम्मित हुनुहुनेछ। किनकि यो संसारका सबै कुराहरू एकदिन नाश हुनेछन्—धन, पद, नाम, र प्रतिष्ठा। तर परमेश्वरमा जम्मा गरिएको स्वर्गीय धनसम्पत्ति भने सदैव रहनेछ। हाम्रो साँचो धन हाम्रो विश्वास, प्रेम, आज्ञापालन, र परमेश्वरको राज्यका लागि गरिएको काम हो। त्यसैले हाम्रो मन र जीवनलाई स्वर्गतर्फ केन्द्रित गरौँ।

बाइबल पद: “१९आफ्‍नो निम्‍ति पृथ्‍वीमा धन-सम्‍पत्ति नथुपार, जहाँ कीरा र खियाले ती नष्‍ट पार्छन्‌ र जहाँ चोरहरूले घर फोरेर ती चोर्छन्‌। २०तर आफ्‍नो निम्‍ति स्‍वर्गमा धन-सम्‍पत्ति थुपार, जहाँ कीराले वा खियाले नष्‍ट पार्दैन, र चोरले पनि चोर्दैन। २१किनकि जहाँ तिम्रो धन हुन्‍छ, त्‍यहीँ तिम्रो मन पनि हुन्‍छ।”— मत्ती ६:१९–२१

हामीले केासारई स्वर्गीय धनसम्पत्ति जम्मा गर्छौँ जब हामी:
१.परमेश्वरलाई गहिरो प्रेम गर्छौँ
२.उहाँको वचन पालन गर्छौँ
३.निस्वार्थ रूपमा अरूको सेवा गर्छौँ
४.उदारतापूर्वक दिन्छौँ
५.सुसमाचार बाँड्छौँ
६.क्षणिक होइन, अनन्तका लागि जिउँछौँ
यी कामहरू सधैँ यस संसारमा इनाम नपाउन सक्छन्, तर परमेश्वरले सबै देख्नुहुन्छ र अनन्त इनाम दिनुहुन्छ।

निष्कर्ष :सांसारिक कुरा क्षणिक छन्, तर स्वर्गीय कुरा अनन्त छन्। आज हामीले गर्ने विश्वासको निर्णयले अनन्त भविष्यलाई आकार दिन्छ। त्यसैले आजैदेखि स्वर्गीय धनसम्पत्तिमा लगानी गरौँ।

प्रार्थना:स्वर्गीय पिता, हाम्रो हृदयलाई सांसारिक कुराबाट हटाएर स्वर्गीय कुरामा केन्द्रित गर्न सहायता गर्नुहोस्। नाश हुने कुरामा होइन, अनन्त रहने कुरामा हाम्रो जीवन लगानी गर्न हामीलाई बुद्धि र विश्वास दिनुहोस्। हाम्रो सोच, बोली र काम तपाईंको राज्यका लागि प्रयोग होस्। येशू ख्रीष्टको नाममा प्रार्थना गर्छौं। आमेन। 🙏

Pastor:- Radhe John
Ekklesia Jaleshwor Church, Nepal

tiktok id
https://www.tiktok.com/@johnbrother4?_r=1&...