Lounis Aït Menguellet, S ani ad nruḥ ⵙ ⴰⵏⵉ ⴰⴷ ⵏⵕⵓⵃ (Où que nous allions أيتما ذهبنا)

La chanson S ani ad nruḥ interprétée en live Par Lounis Aït Menguellet en l'an 2000 à la cité de la Musique. les parole de la chanson en sous-titres
Paroles:
Yuli-d wagu ɣef Temguṭ
Akken i d-yuli deg ulawen
Lɛebd akken ibɣu tezzuḍ-t
Yeǧǧa aẓar, iga afriwen
Lexyal n tmurt ma tettuḍ-t
Di tnafa ad d-iẓur allen
Kkert ad d-teddum ad nruḥ

Yuli-d wagu ɣef Tleṭṭaṭ
Amzun yuli-d di lemnam
Amɣar i yezwin tacdaḍt
ekker la iteddu s axxam
Kul ass yettṛaǧu twalaḍ-t
D arraw-is i yessaram
Kkert ad d-teddum ad nṛuḥ

Argaz ma txuṣ-it tidet
Ur illi d-as-d-ixdem limin
Yir aɛeqqa yeǧǧan tirect
D lmal i umi t-ttawin
Lbaz ma ixuṣ-it wedrar
Afṛux kan ar ad d-as-semmin
Kkert ad d-teddum ad nṛuḥ

Si zik nettṛuḥu
Anda nebɣa ad neddu
Γer tmurt ar ad nejbu
Ass mi ar ad iḍaq ṛṛuḥ
D ayen i nesɛa d ayla nneɣ
S ani tebɣam ad nṛuḥ

Anta tameslayt …
Ur tenṭiqem ara ?
Amkan di ddunnit
Deg ur teɛfisem ara
Ass mi ar ad d-taweḍ tizi
Lɣerba am yiḍes
Lḥerz-nni ad d-yesteqsi
Ad d-tezzim ɣur-s

Tɣerbem tcerqem
Di lberr, di lebḥer
Tezham tɛettbem
Di rrbeḥ akk d cceṛ
Win i umi rẓen wafriwen
Ẓẓher-is yexseṛ
Yeẓra s ani ar ad yebren
Adrar ad t-yesḍer

Mkul igenni
Yeẓra-ken tɛeddam
Wissen ma ad d-yili
Umkan i teǧǧam
Ass mi ar ad d-taweḍ tizi
Teṛwam neɣ teɛyam
Lḥerz-nni ad d-yesteqsi
Ad d-tezzim s axxam

Ccfaya n temẓi
Teǧǧam-tt tṛuḥem
D tin i d tinelli
Ar ad ken-d-yerren
Ass mi ar ad d-tezzim s axxam
Tewḍem d imɣaren
Ad d-teḥkum ayen teẓram
I wid ar ad iṛuḥen