Dünyanın Ən təhlükəli 10 pişiyi

Hər birimiz evimizdə heyvan saxlayarkən onun xarakterinin necə olduğunu fikirləşmirik. Məsələn, pişiklər. Əksər insanlar pişik saxlamağı təhlükəsiz hesab edir. Əslində isə, pişiklərin bəzi cinslərini saxlamaq insan sağlamlığına ciddi ziyan vura bilər. Bu gün sizə 10 ən təhlükəli pişik cinsi haqda məlumat verəcəyik.

10. Pişiklərin Manu cinsinin əhliləşdirilməsinin tarixi çox qədimdir. Bu pişiklər digər cinslərə nisbətən 2-3 dəfə böyük olurlar. Amma, bu cins gizlilikləri, müstəqillikləri ilə seçilirlər. Öz azadlıqlarına düşkün olduqları üçün onlar təhlükəli sayılır.
9. Savanna cinsi. Bu pişiklər olduqca bahalıdır. Çünki, nadir tapılırlar. Öz qardaşlarına nisbətən daha ağıllıdırlar. Və daha böyükdürlər. Bu pişiklər it kimi xaltada saxlanılmalıdır. Çünki gənc nəsli çox aqressivdir və insanlara tez-tez hücum edir.
8. Çauzi ev pişiklərinin nadir növüdür. Efiopiya pişiyi ilə vəhşi Afrika pişiyinin cütləşdirilməsindən yaradılıb. Bu pişiklərə böyük ərazi lazımdır. Əgər eviniz kiçikdirsə, bu pişiyi saxlamağa meyl etməyin. Yoxsa, evinizi alt-üst edər.
7. Stoun kukuar. Bu pişiklər kifayət qədər böyük olur. Bir Stoun kukuarın əsas özəlliyi odur ki, sahibindən başqa heç kimi eyninə almır. Bu da o deməkdir ki, ailənin digər üzvləri ilə bu pişik özünü olduqca aqressiv aparır.
6. Qamışlıq pişiyi. Xarici görünüşünə görə vaşaqı xatırladır. Pişikkimilərə daxil olan növlər içərisində ən irisidir. Çəkisi 16 kq-a qədərdir. Pəncələrin yasdıqları çılpaqdır, üzərində xəz yoxdur, qara rənglidir. Tumarlanmağı xoşlasa da, hər zaman cırmaqlamağa, hücum etməyə hazırdır.
5. Şotland sallaqqulaq pişiyi və ya skottiş – fold. Bu pişiklərin qeyri - adi xarici görünüşünün səbəbi genetik mutasiyadır. İlk baxışdan sizə elə gəlir ki, onun adı bu siyahıda ola bilməz. Amma, bu məhşur pişiklərin də öz xüsusiyyətləri var. İlk baxışdan yumşaq oyuncaq təsiri bağışlasa da, onlar olduqca müstəqildirlər və sığallanmağı, qıdıqlanmağı xoşlamırlar.
4. Meyn-kun pişiyi. Bu pişiklər mehriban və tənbəl görünüşə malikdir. Çəkiləri 15 kq-a çatır. Əksərən, bu pişiklərin balaca evlərdə saxlanması məsləhət görülür. Bu, yanılmadan başqa bir şey deyil. Çünki, bu pişiklər olduqca kinlidirlər. Əgər onların bəyənmədiyi nəsə edilsə, hökmən onun əvəzini çıxırlar.
3. Abissin pişiyi. Onlar Meyn-kun`lardan fərqli olaraq dəvə kimi kinli deyil, incidildikdə həmin an əvəzini çıxmağa çalışırlar. Qısqanclıqları ilə seçilir. Əgər onlara yetərincə diqqət və vaxt ayırmasanız, hücuma məruz qala bilərsiniz. Hətta, bəzən bu pişiklər heç bir konflikt olmayanda, adi halda belə sahibinə hücum edə bilər.
2. Çox adam düşünür ki, Tailand pişiyi olduqca mehriban və sözəbaxandır. Təəssüf ki, onlar yanılırlar. Bu pişiklərin ən yaxın qohumu Siam pişikləridir. Onlarla bağlı bir azdan danışacağıq. Tailand pişikləri isə ən gözəl anlarında da sizə hücum edə bilər. Təsəvvür edirsiniz, bu pişikləri mühafizəçi kimi saxlamaq məsləhət görülür. İtə qarşı allergiyası olanlar üçün alternativ seçimdir.
1. Siam pişikləri. Bu məhşur ev pişiklərinin çox qəddar və vəhşi xarakteri var. Bir Siam sahibisinizsə, əllərinizdən və bədəninizdən heç vaxt yaralar əskik olmayacaq. Bu pişiklər ən xırda incikliyi belə sizə bağışlamayacaq. Hətta, Siamların öz sahiblərini gecə yatdığı yerdə öldürməsi haqda internetdə məlumatlar dolaşır.