Ven.Ambalangoda Medaduuwe Ariyadhamma Nayaka Thero-2017.12.05-20.00 Guwanviduli Dharmanushasanawa

අද, දෙසැම්බර්​ මස 05 වන දින ගුවන්විදුලි සංස්ථාවේ ස්වදේශීය සේවය ඔස්සේ විකාශනය කරන ලද රාත්‍රී 08.00 ධර්මානුශාසනාව පවත්වා වදාළේ, මාවනැල්ල, තුත්තිරිපිටිය, බොරළුගම, ශ්‍රී සිද්ධාර්ථ භාවනා මධ්‍යස්ථානාධිපති, අවසරයි, අම්බලන්ගොඩ මැදදූවේ අරියධම්ම ස්වාමීන්වහන්සේ විසිනි.

සං.නි., බ්‍රාහ්මණ සං., උපාසක වග්ගයෙහි එන "සද්ධා බීජං තපෝ වුට්ටී"... යනාදී වශයෙන් වූ ගාථා ධර්මය තේමා කරගනිමින් පවත්වනු ලැබූ ඒ ඉතා අගනා ධර්මානුශාසනාව අසා ඒ අනුව සිත් මෙහෙයවමින් මෙලොවින් පරලොවට ගෙනයන මිණිමුතු රැස්කරගන්නට ධර්මයට සමීප (උපාසක) ඔබ අප්‍රමාදී වේවා!!!

අපගේ වන්දනීය දේශකයාණන් වහන්සේටද , පින් කැමති සියළුදෙනාට ද මේ උතුම් ධර්ම දානමය පින් අත්වේවා!!!

එසේම අනන්ත සසර පටන් මේ මොහොත දක්වා අප නමින් මිය පරලොව ගියා වූ සියළුම ඥාති-මිත්‍රාදීන් ද, ගුරු-දෙගුරුන් ද මේ පින් අනුමෝදම් වෙත්වා!!! මෙ පින් බෙලෙන් යමෙකු දුගතියක වෙත් නම් සුගතිගාමී වෙත්වා!!! සුගතියක වෙත්නම් එහිදීම උතුම් වූ ධර්මාවබෝධය වේවා!!!

අවසන් වශයෙන් , ඔබ අප සියළු  දෙනාටම මේ උතුම් ගෞතම ශ්‍රී සම්බුද්ධ ශාසනයේදී ම සසර කතරින් එතෙරවීමට  තෙරුවන්ගේ ආශීර්වාදයෙන් හැකියාව ලැබේවා!!!

බුදුන් සරණ හැර අන් සරණක් නැත මා හට,
දහම් සරණ හැර අන් සරණක් නැත මා හට,
සඟුන් සරණ හැර අන් සරණක් නැත මා හට,
මෙතුන් සරණ හැර අන් සරණක් නැත මා හට.
සාදු! සාදු!! සාදු!!!
ජයවීරගේ සමන්ත
රුසියාවේ සිට