Скачать или смотреть სამხრეთ ოსეთის ადმინისტრაციის გაუქმების ინიციატივა

პოლიტიკურ დღის წესრიგში აქტუალობას არ კარგავს 18 წლის წინ მიღებული გადაწყვეტილების გაუქმების გეგმა.
აღარ იარსებებს სამხრეთ ოსეთის დროებითი ადმინისტრაცია, რომელიც 2006 წლის ნოემბერში ჩატარებული არჩევნების საფუძველზე ყოფილი სამხრეთ ოსეთის ავტონომიური ოლქის ტერიტორიაზე შეიქმნა. საუბარია ადმინისტრაციაზე, რომელსაც წლების განმავლობაში დიმიტრი სანაკოევი ხელმძღვანელობდა, 2022 წლიდან კი ის თამაზ ბესტაევმა შეცვალა. დროებითი ადმინისტრაცია წარმოდგენილი იყო ჟენევის მოლაპარაკებების დელეგაციაშიც. მმართველი პარტია ადმინისტრაციის შექმნას და 2006 წელს ჩატარებულ არჩევნებს კონსტიტუციის დარღვევად, სეპარატისტული პროცესების ირიბ აღიარებად და 2008 წლის ომის ხელშემწყობ წინაპირობად აცხადებს. კანონის დამტკიცების შემთხვევაში გაქრება 35 წლის წინ გაუქმებული და წლების შემდეგ დაბრუნებული ტერმინი „სამხრეთ ოსეთი“. ოპოზიციის ნაწილი ტერმინის ცვლილებას ეთანხმება, თუმცა შენიშვნები აქვთ სხვა მიმართულებით. საკანონმდებლო პაკეტის მიმართ სკეპტიკურად განწყობილი პოლიტიკური ძალები ჟენევის მოლაპარაკებებზე პოზიციების შესუსტების რისკზე საუბრობენ. შეფასებებში გაცილებით რადიკალური არიან იმ პარტიის ლიდერები, რომელმაც 18 წლის წინ დროებითი ადმინისტრაცია შექმნა. 

ეწვიეთ ჩვენს საიტს - https://1tv.ge/
მოიწონეთ ჩვენი გვერდი -   / 1stchannel.1tv.ge  
გამოიწერეთ ჩვენი არხი -    / georgianpb  
ვიდეო წარმოადგენს საზოგადოებრივი მაუწყებლის საკუთრებას.
მისი გავრცელება შეგიძლიათ მხოლოდ ბმულის გაზიარებით.
დაუშვებელია მასალის ჩამოტვირთვა და სხვაგან ატვირთვა,
ამ შემთხვევაში მაუწყებელი უფლებას იტოვებს მიმართოს შესაბამის ზომებს.