Скачать или смотреть شيلة الدواسر اهل الخوه -كلمات فالح المسردي + عبدالهادي المسردي اداء فهد بن فصلا + فالح بن فصلا

استنطق الحرف فكري لين باح الكنين
قامت هواجيسي القشرا تجيب خبري

ياهاجسي لاتجاوب كل طاري حزين
استقبل المقبلات بكل عزمً جري

حنا هل الشعر من جداني الاوليين
ياقوم ياشعر ابو تمام والبحتري

أنا انطرب لأبدا ميقاف للطيبين
حتى القلم والورق يتعب لا هاض بحري

اكتب قصيدة وأغير قافها مرتين
من شاف حالي يقول العود ماهو صري

يامسندي شغل اللي ماقنتيه بدين
جاني من اللي لياضاقت ماهو يحتري

يجيبه بسطحته ويطلق بكلمتين
يابيض غني لناصر وأفخري وأفخري

وخله يروُح ويفهق زحمة السايدين
وانا ترى حزة اللازم ما أدير ظهري

الدواسر عوق المعادي
والدواسر زبن المنادي
والدواسر لا اعتزو صاحوا
" لابتي خطلان الأيادي "


منصاك حفلً مشيد عند ذرب اليمين
شيخً صدّا سمعته في زحل والمشتري

ستر ليا عدوا اهل الطيب فعله يبين
معروف رمز الفخر مزبان للمعتري

يعيش ستر العذارى مخضبات اليدين
فعله ليا عدو اهل الفعل ماهو عري

ليا اعتزاء كل قاسي بأمر ربي يلين
واليا وقف يكمل حقوقه ولا يفتري

جاهه يفك ارقبه من تحت سيفً سنين
وماله لا جاء واجبه يفنيه ما يذخري

ابو هلا وارحبوا في كل داراً وحين
منصى العرب مجلسه بين بدوي وحضري

يفداه من يقفل المضياف بالدرفتين
ياستر تستاهل الشيخه وبشت الزري

من عزوةً فاللقاء تدحم بجنبً متين
من نسل راكان قوم النعم لامن طري

الدواسر عوق المعادي
والدواسر زبن المنادي
والدواسر لا اعتزو صاحوا
" لابتي خطلان الأيادي "


امن الوداعين قوم العز دنيا ودين
كسابة المدح قبل الشعر فالمنبري

امن الدواسر هل الخوه مع الغانمين
مزبان من ضدته دنياه و المعسري

دخيلهم في الجهل يامن من الغادرين
يكفيه وسم العصا لو كان عظمه طري

قلته وربعي قبل ما يصنع المارتين
قحطان في ذكرهم شايش وانا عنصري