Скачать или смотреть Pilgrimage at Archdiocesan Shrine of Nuestra Señora de Guia

Kasaysayan:

Matapos ang mahabang panahon, ang pinakamatandang imahe ng Mahal na Birhen sa Pilipinas, 𝑵𝒖𝒆𝒔𝒕𝒓𝒂 𝑺𝒆𝒏̃𝒐𝒓𝒂 𝒅𝒆 𝑮𝒖𝒊𝒂 ay muling bumalik at bumisita sa Katedral ng Maynila.

Ang Katedral ng Maynila ay nagsilbing tahanan ng Nuestra Señora de Guia sa mahigit na isang siglo bago ito nai-dambana sa kasalukuyang Simbahan nito sa Ermita na kung saan natagpuan ang imahe.

Ang imahe ay na-diskubre noong Mayo 19, 1571 ng isa sa mga sundalong Espanyol ni Heneral Miguel Lopez de Legazpi sa baybayin ng Ermita na kung saan may grupo ng katutubo na sumasamba sa isang imahe na nasa tuktok ng palumpong ng pandan. Ang nasabing imahe ay dinala sa Intramuros at ito ay tinukoy ng mga Espanyol bilang imahe ng Mahal na Birhen at binigyan ng titulong “La Purisima Concepción de Nuestra Señora” at patrona ng Pilipinas.

Taong 1578, idineklara ito bilang 𝗣𝗮𝘁𝗿𝗼𝗻𝗮 𝗝𝘂𝗿𝗮𝗱𝗮 𝗱𝗲 𝗠𝗮𝗻𝗶𝗹𝗮 (𝑡ℎ𝑒 𝑆𝑤𝑜𝑟𝑛 𝑃𝑎𝑡𝑟𝑜𝑛𝑒𝑠𝑠 𝑜𝑓 𝑀𝑎𝑛𝑖𝑙𝑎) ng Hari ng Espanya Felipe II.

Binigyang titulo ang imahe bilang “Nuestra Señora de Guia” dahil nagsilbi ang Mahal na Birhen bilang gabay ng mga tao, lalong-lalo na ng mga manlalayag na Espanyol. Maraming himala ang nangyari sa tulong ng Mahal na Ina at siya ay idineklara ring noong patrona ng mga Galyong Espanyol.

Taong 1918, ang Mahal na Birhen ay inilipat mula Intramuros papuntang Ermita sa pamamagitan ng isang prusisyon na tinawag na “𝐵𝑜𝑡𝑎 𝐹𝑙𝑜𝑟𝑒𝑠”.

𝗩𝗶𝘃𝗮 𝗩𝗶𝗿𝗴𝗲𝗻 𝗱𝗲 𝗚𝘂𝗶𝗮, 𝗣𝗮𝘁𝗿𝗼𝗻𝗮 𝗝𝘂𝗿𝗮𝗱𝗮 𝗱𝗲 𝗹𝗮 𝗖𝗶𝘂𝗱𝗮𝗱 𝗱𝗲 𝗠𝗮𝗻𝗶𝗹𝗮!