Скачать или смотреть شيلة داعية زهران 🔥 عند زهران حي الله جميع القبايل 🔥| كلمات : محمد صالح السني | اداء : عمر العويفي

اول القول مادام ان جوي تمام
صلو اعلى محمد قبل بدع الكلام
واسمعو مايلي واصغو معي باهتمام
حفل ذليل ياخذ صيته لميت عام
عند زهران حي الله جميع القبايل
عد من وجه القبله وصلابها

بعد ماجاتني الدعوه وانا فالرياض
من غلاها لحقني رعشتن وانتفاض
مال دعوة خوالي لاعذر واعتراض
والغلا لجلهم عدا حدوده وفاض
عند زهران حي الله جميع القبايل
عد من وجه القبله وصلابها

هاض فكري ونظمت الشعر والقيوف
ياعمر شلها بالصوت قدر الضيوف
وانعش الحاضرين وملحمين الصفوف
مال صوتك شبيه ولا لشكله وصوف
عند زهران حي الله جميع القبايل
عد من وجه القبله وصلابها

انا شاعر وامثل لي قبيله وقيف
بالكلام الذي كنه كما حد سيف
والميادين تعرف منهو ابو منيف
يوم غيره ليا جات المواقف يصيف
عند زهران حي الله جميع القبايل
عد من وجه القبله وصلابها

واجبي لاحضرت اشوش اهل الفعول
وافتخر بالنشاما والرجال الزحول
مثلكم كاسبين المدح عرضاً وطول
يالصواوين افاخر بسمكم يوم اقول
عند زهران حي الله جميع القبايل
عد من وجه القبله وصلابها

العريفه تقدمنا وحنا معاه
صالح ابو محمد راع وجهاً وجاه
والصواوين في جنبه يمال الغناه
عزوتن شورها من شوره اليا بناه
عند زهران حي الله جميع القبايل
عد من وجه القبله وصلابها

ياصووين ارحب وانا راسي طويل
عزوتي ماربى فيهم ذليل وبخيل
عندهم للضيافه كيف بنن وهيل
وازرق العود قبله سمن واضهور حيل
عند زهران حي الله جميع القبايل
عد من وجه القبله وصلابها

مرحبا في مقامن صيونوه الرجال
ماعلى مدحهم عند القبايل جدال
ابو امحمد اللي للتواضع مثال
وابو ماجد عضيده للحمول الثقال
عند زهران حي الله جميع القبايل
عد من وجه القبله وصلابها

مرحبا ياضيوف الحفل من كل صوب
قلتها واخدم اصحاب الوفى والوجوب
حتى لو اصغر اعيال الزنيني ينوب
للضيافات والا للفتن والكروب
عند زهران حي الله جميع القبايل
عد من وجه القبله وصلابها

هذولا عزوتي دعوى الزنيني عموم
اخوالي درع جنبي متعبين الخصوم
كاسبين المدايح كلهم روس قوم
محتمين الشواوب واللحا والسلوم
عند زهران حي الله جميع القبايل
عد من وجه القبله وصلابها

اي نعم بيت علم ولاعليهم غريب
منهم الضابط اللي سمته ماتعيب
والمعلم وراع الدكتره والطبيب
واهل المال والاعمال عون القريب
عند زهران حي الله جميع القبايل
عد من وجه القبله وصلابها

والف مبروك هذا الحفل ياغلا ثنين
ياسند ولد عبدالله وراشد حسين
يانشاما على طاعه وتقوى ودين
جعلكم في فرح دايم طوال السنين
عند زهران حي الله جميع القبايل
عد من وجه القبله وصلابها

وانت يامن سمعت المدح سجل سطور
المناصير سادات العرب من عصور
عرجلن صفهم يشبه لصفق البحور
والتواريخ تشهد لين يوم النشور
عند زهران حي الله جميع القبايل
عد من وجه القبله وصلابها

انحن الساده اللي صيتنا من ذهب
وال السني من ال البيت ساس ونسب
صفوة الناس من بيت النبي لاعجب
الرواه اثبتوها والمورخ كتب
عند زهران حي الله جميع القبايل
عد من وجه القبله وصلابها

شيخنا حامد ابن احمد محل الثقه
شيخته من جدود اسلاف وموثقه
الله انه يبارك فيه ويوفقه
لا دعانا بيارقنا مع بيرقه
عند زهران حي الله جميع القبايل
عد من وجه القبله وصلابها

يابو حمزه تقدمنا وكابر وشوش
عزوتك فالملاقا مثل سحم الوحوش
المناصير قادات العرب والجيوش
لابتن من خلقها الله سادة عروش
عند زهران حي الله جميع القبايل
عد من وجه القبله وصلابها

اوصل اعلامنا لمليكنا بن سعود
قله اناّ على رهن الاشاره جنود
عالولا مانغير ماضيات العهود
نرخص ارواحنا دون الوطن والحدود
عند زهران حي الله جميع القبايل
عد من وجه القبله وصلابها

ومحمد ولي العهد نور البلاد
الزعيم الذي بسمه تسيد وساد
معجزه من عظيم الملك رب العباد
جعل ربي يحقق غايته والمراد
عند زهران حي الله جميع القبايل
عد من وجه القبله وصلابها

والله ان يبشر ابنا مانذل ونهاب
في يمينه ونتحدا كبار الصعاب
الامير الذي نفداه شيب وشباب
عاش راع الطموح اللي تعدا السحاب
عند زهران حي الله جميع القبايل
عد من وجه القبله وصلابها

اي نحن داعيه زهران روس ونفوس
يوم صيح المعابر فالنهار العَبوس
مانهاب القتال ونبدي إقراع روس
التقينا احمد الباشه ودسناه دوس
عند زهران حي الله جميع القبايل
عد من وجه القبله وصلابها

واي نحن لاحنم البندق وغطرف وصاح
ولدنا مايشوش الا ليا الدم فاح
يوم في رهوة البر تحت ضرب السلاح
انتصرنا وبيرق دوله الترك طاح
عند زهران حي الله جميع القبايل
عد من وجه القبله وصلابها

وان دعانا الملك وولي عهده نسد
كلنا جاهزين وصفنا متحد
العناصي كتايبهم عتاد وعدد
تارد الموت ماتخشى وتحسب لاحد
عند زهران حي الله جميع القبايل
عد من وجه القبله وصلابها