Скачать или смотреть HUKUMU YA MIRATHI, MAHAKAMA YA WILAYA YA RUNGWE YATENGUA MAAMUZI YA MAHAKAMA YA MWANZO.

MAHAKAMA ya wilaya ya Rungwe mkoani Mbeya imetengua hukumu iliyotolewa na Mahakama ya Mwanzo Masoko kuhusu mirathi ya familia ya marehemu Bantemanile Mwakatumbula ambayo ilimpa ushindi Joshua Mwakatumbula kuwa mrithi halali wakati hakustahili.

Hukumu hiyo imetolewa mapema hii leo na Hakimu Mkazi Mfawidhi Allu Omar Nzowa na kusema kuwa uamzui uliotolewa na mahakama ya wilaya umejiridhisha pasi na shaka kuwa hukumu iliyotolewa na Mahakama ya mwanzo Msoko ilikuwa na mapungufu.

Katika shauri la Mirathi No. 3 la mwaka 2020 mahakama imezingatia fomu namba 1 kwamba mwombaji Edwin Batemanile aliomba kusimamia mirathi ya marehemu Daud Mwakatumbula lakini Mahakama ya Mwanzo Masoko ikampa Joshua Mwakatumbula mbaye hakuomba kuwa msimamizi wa mirathi.

Nje ya mahakama Wakili wa warufani Kelvin Gamba kutoka Kampuni ya uwakili ya Mwabukuzi jijini Mbeya na mrufani Bujo Mwakatumbula pamoja na Mwana familia Joel Mwakyusa wameeleza kuridhishwa na maamuzi ya Mahakama hiyo na kudai kuwa haki imetendeka.