Скачать или смотреть حوزي بقيت مهموم من فراق غصاني - جوق الحاج الشيخ العربي بن صاري

حوزي من كلام الشّيخ بومدين بن السعيد رحمه الله

بْـقِــيـتْ مَـهْــمُـومْ مَـنْ فْـرَاقَ غْــصَــانِـــــي تْـبَـــدَّلَ الْــفَــصْلْ وَاشْ بِـــهُـمْ جَاحُوا
تْـــزَلْـــزَلَ الْـــعْـــقَـــلْ سَافَـــرْ وْ خَــــلاَّنِــــي صَــدْ نَـحْـلِـي بْــقَــــاوْا غِـيـرَ جْــبَـاحُـه
دْخَلْتَ بَـحْـرَ الْــهْــوَى حَــمَـى غَــــلْـيَـانِــي فِـيـهْ الآمْـــوَاجْ يَـــهَـــلْـكُــوهْ رْيَــاحُــــه
وِيـــنْ هِــــيَّ وْ فَـايَــــنَ أنَــــــا رَانِـــــــي أَدَّاوْا وَلْــفِــي مْــشَاوْا بِــهَـــا وْ رَاحُــه
كِـيفَ صَــبْـــرِي عْلَى حْـبِـــيــــبِــي فَــــارَقْ كُـــلْ مَـمْـحُــونْ مَا يْـطِـيبْ نْـعَـاسُـه
تْــخَــبَّـــلَ الْــغْــزَلْ وَ الْــزْمَــانْ الْــضَـايَــقْ طُحْتْ فِي بَـحْـرَ وْ لاَ عَرَفْتَ قْيَاسُه
نَـــعْــــدَرْ الْعَاشْقِـيـنْ وْ مَــــنْــــهُ عَــــاشَــــقْ مْــنَازَلَ الْـعُـشْـقْ كِـي بْـــنَــاوْا لْسَاسُــه
ضُـعْـــتْ وَ فْــنـِيتْ مَنْ هْـمُومِـي رَاشَـقْ لَوْلاَ بَـالزْيَـــارْ طُحْتَ بَــيْــنَ ضْـرَاسُــه
يَــقْسَمَ الْـقَـلْبْ كِـــي الْـــسَّـــمَّ الْــخَــــارَقْ مَــرْ ﭬُـطْــرَانْ كِــيفْ نْــجَـرَّعْ كَــــاسُــه
بْــقِــيـتَ مَـقْــبُــوضْ نَـشْتْـكِــي لَلْـخَـالَـقْ يْــفَـرَّجْ عْلَى الْـمْـرِيـضْ وْ يَـرْفَـعْ بَــاسُه
بَاحَ سَرِّي وْ لاَ بْـــقَـى كُــــتْـــمَــانِي عَــادَمَ الْـبْـصَرَ كُـلَّ يَـوْمَ نْـوَاحُـه
وَحْشْ الآحْبَابْ وْ عْشْقْهُمْ مَضَّانِي جَـبْتْ صُـنَّاعْ اَلاَّ بْــرَاوْ جْـرَاحُه
بْـقِـيتْ نَـتْـلَـجْ عْلَى صْهُودْ نِيـرَانِي طِيـرْ مَكْسُورَ مَنْ فْصُولْ جْنَاحُه
وِيـنْ هِـيَّ وْ فَـايَـنَ أنَــــا رَانِـــــــي أَدَّاوْا وَلْفِـي مْشَاوْا بِـهَـا وْ رَاحُوا
آشْ يَـسْوَى مْـنَ الْــــرْخِـــيـصَ الْـغَالِــي نَـــحْوْ سَتَّــة مْــنَ الْـشْرُوطَ الْوَاجَبْ
الْـوَحْشْ وَ الْـخُـوفْ فَـى الْـبْلاَدَ الْخَالِي شْحَالْ مَنْ طُودْ وْ لاَ حْسَبْـهُمْ حَاسَبْ
كَـــثْــرَتَ الطَّــبْـــعْ كَـيْـــتِـــي عَـــمْــــدَا لِـــي مَا نْــفَـــعْـــنِي طْبِــــيــبَ وْ لاَ طَــــالَــــبْ
كَـانَـــتْ الآشْــيَــاخْ فَى الْــمْــقَــامَ الْـــعَــــالِي زْمَـانْ فَــاتُوا بَنْ زَنْـﭬـْلِي وْ مْـــسَــايَـــبْ
فَـــرْجَــةَ الأَنْـــدَلُـــسْ يَــــا تَــــهْــــــــــوَالِي طَــــرْ وَ رْبَــــابْ وْ كُـلْ آلَــة نَـــاصَبْ
آشْ مَـنْ خِـيـرْ فَى الْــزْمَـــانَ الـــــتَّــــالِي الآوْلِيـنَ مْـشَاوْا وْ جِيتَ أنَا يَا عَـاﭬَبْ
الْوَحْشْ وَ الْخُوفْ يَـتْـﭬـْبُوا نِيرَانِي طَالْ لِيلِي وْ لاَ بْقَـى شِي صْبَاحُه
مْرَاكَبَ الــرُّومْ يَـغَـنْـمُوا قُــرْصَانِي تْـهَـرَّسَ الْـقْـفَلْ وَ تْكَسَّرْ مَفْتَـاحُه
سَـجْـنَةَ الْفَاخَتَ الذِّي فَى سْجَـانِي يَـذْكُـرَ اللَّهْ مْنِيـنَ تْضِيقْ اَرْوَاحُه
يَا دْرَى اللَّهْ يَــعْـفُ كِيفَ بْــــلاَنِي كُـلَّ مَسْجُونْ يَـنْـطْلَـقْ بَـسْرَاحُه
وِيـنْ هِـيَّ وْ فَـايَـنَ أنَــــا رَانِـــــــي أَدَّاوْا وَلْفِـي مْشَاوْا بِـهَـا وْ رَاحُوا
آهْ يــــا وَاهْ يَــــا فْـــــــرَاقَ أحْــــبَــــــــابِي نَـفْقَـدْ الآرْسَامْ وَ نْـقُولْ هْـنَـايَــا كَـانُوا
وِيـنْ خَـاوْتِي وِيـنْ هُـمَا صْـــحَـــــــابِي بَـــدَّلَّ الْـــدَّهْــرْ خَالْــــقِــــي سُبْحَــــانُـــه
وَحْــشْـهُــــمْ زَادْ لـِيـعْـتِـــي وَ عْــــــذَابِي عُـدْمَتْ الآبْـصَارْ وَ الْـخْدُودْ شْيَـــانُـه
الْـكَـيْ وَ الــنَّــارْ نْــــوَارْ عَـــقْــدْ الـــلاَّبِي دَمْعِـي تَـجْرِي عْلَى صْـهُـــودْ نِـيـــرَانُه
قِـسْ يَـــا عَـــارَفْ الْـــكْــــلاَمَ جْــــــوَابِي مَا سْـجَى جِيشْ مَـنْ مْشَى سُلْطَانُـه
كُـنْتْ غَــــالَبْ وْ بَــــانْ لِـيَّ غُـــــــلاَّبِي تَسْعَـدْ الآيَّـــامَ مَـنْ عْطَـى لُـه زْمَــانُــه
عْلَى الْعَـزِيزَة فْـنِيـتْ يَا تَـمْـحَـانِـي بْـقَى اَلاَّ الْجَسْدْ وَ الْجْوَارَحْ رَاحُوا
سْبَابْ لِيعْـتِي فَـى الْكْلاَمَ لْسَانِي خُـلَـطْـتَ اوْلاَدْ الـزّْمَانْ قْـبَـــاحُوا
دَارْ لِي قَـوْسْ فِـي قَدَّ شْبَـلْــيَـانِي طَلَّـعْـنـِي فُـــوقْ الآسْـوَارَ وْ لاَحُوا
وِيـنْ هِـيَّ وْ فَـايَـنَ أنَــــا رَانِـــــــي أَدَّاوْا وَلْـــفِـــي مْشَاوْا بِـهَـا وْ رَاحُوا
مَــــا دْرَى بَــــالْــــغْـــرَامْ مَــنْ لاَ ذَاقُـــــه كِـيفَ صَـبْـرِي عْـلَى كْحِـيلْ اللاَّمَحْ
لاَ بُــــدَّ يْـــكُونْ لَلْـجْـمِـيـــعَ فْـــــرَاقُــــــه لاَ بُــــدَّ يْــــكُـــونْ لَلْـــقْـــفَـــــلَ مْــفَـــاتَـحْ
لاَ بُــــدَّ الْـــسَّــمْ لَلـــدْوَاء تَـــــرْيَــــاقُـــــــه لاَ بُــدَّ الْسْفُــونْ فَى الْـبْـحَـرْ الْـمَـالَــحْ
لاَ بُـــــدَّ يْــــكُـــونْ لَلْـحْـدِيـثْ تْــفَــاقُـه أَنْـجَــرَ وْ قِــيـسْ لاَ تْـخَــلِّــيهْ طَـــايَــحْ
كَـــانْ جَـمْـــعَ الآحْـبَـابْ ﭬـــَـاعَ تْــــلاَقُـوا طُولْ يَـــا لِـــيلْ طُــــولْ لاَ تَــــصَّابَــحْ
كَــانْ طَــاحْ الْـعْـشِيـقْ فِـي عْــــشَــاقُـــه مْـخَـايَــدَ مْـــبَـرْزِيــنْ فَـــوْقَ مْـطَــــارَحْ