Скачать или смотреть ទីបន្ទាល់របស់តារ៉ានិងស្រីមំុអំពីសេចក្ដីសង្គ្រោះ Tara & SreyMohm's Testimony of Salvation

បងប្អូនអើយ សូមស្តាប់ទីបន្ទាល់របស់តារ៉ានិងស្រីមំុ។ សេចក្ដីជំនឿរបស់គេលើ ព្រះយេស៊ូវគ្រីស្ទត្រូវបានផ្លាស់ប្តូរជីវិតរបស់ពួកគេទាំងស្រុង! ពីភាពសោកសៅ ទៅដល់សេចក្ដីអំណរដ៏អស្ចារ្យ! "ដ្បិត​ខ្ញុំ​គ្មាន​សេចក្តី​ខ្មាស ចំពោះ​ដំណឹង​ល្អ​នៃ​ព្រះគ្រីស្ទ​ទេ ពី​ព្រោះ​ជា​ព្រះចេស្តា​នៃ​ព្រះ សំរាប់​នឹង​ជួយ​សង្គ្រោះ​ដល់​អស់​អ្នក​ណា​ដែល​ជឿ" ដល់ទ្រង់។ "ហើយ​គ្មាន​សេចក្តី​សង្គ្រោះ ដោយសារ​អ្នក​ណា​ទៀត​សោះ ដ្បិត​នៅ​ក្រោម​មេឃ គ្មាន​នាម​ឈ្មោះ​ណា​ទៀត​បាន​ប្រទាន​មក​មនុស្ស​លោក ឲ្យ​យើង​រាល់​គ្នា​បាន​សង្គ្រោះ​នោះ​ឡើយ។" តើមានអ្វីអាចលាងបាបផង? តើមានអ្វីដោះទុក្ខដូចប៉ង? មានតែឈាមវិសេសព្រះយេស៊ូវ! ខ្ញុំសូមសួរសំនួរមួយ - តើមានព្រះពិតឬទេ? ខ្ញុំជឿថាលោកអ្នកមានចម្លើយនៅក្នុងគំនិត និងជឿជាក់ នៅក្នុងជម្រៅចិត្តយ៉ាងច្បាស់ថា «ពិតជាមានព្រះមែន» ប៉ុន្តែ ប្រហែលជាលោក អ្នកមិនទាន់បានស្គាល់ទ្រង់នៅឡើយ។ ​មនុស្សភាគច្រើនបានស្គាល់ត្រឹមតែ សាសនា តែមិនទាន់បានស្គាល់ព្រះពិតនៅឡើយ​ទេ។ សាសនាទំាងអស់នៅ លើលោកនេះមានចំនួនប្រហែលជា៤២០០ខុសៗគ្នា ដែលវាត្រូវបានចងក្រង ឡើងដោយគំនិតរបស់មនុស្ស។ ​មនុស្ស​មួយចំនួនទៀត ចង់បដិសេធថាគ្មានព្រះ ពិតទេ។ ការមានព្រះឬគ្មាន នោះវាមិនអាស្រ័យទៅលើការយល់ឃើញរបស់ មនុស្សនោះទេ។ ទោះបី​ជាមនុស្សយល់ឃើញយ៉ាងដូចម្តេចអំពីព្រះក៏ដោយ «ព្រះមានរួចទៅហើយ»។ ជាទូទៅ មនុស្សនៅលើផែនដីនេះមិនទាន់បានស្គាល់ ព្រះដែលបានបង្កើតមនុស្សទេ ប៉ុន្តែមនុស្សស្គាល់ពាក្យមួយយ៉ាងច្បាស់ គឺពាក្យ ថា «ធម្មជាតិ» ហើយថែមទំាងយល់ខុសថាធម្មជាតិនេះឯង ជាអ្នកបង្កើតអ្វីៗ ទំាងអស់ ព្រមទំាងមនុស្សផងដែរ និងរហូតដល់គិតថាផ្នែកខ្លះនៃធម្មជាតិ គឺជា ព្រះផង។ និយមន័យនៃពាក្យ «ធម្មជាតិ» នៅក្នុងវចនានុក្រមខ្មែរដែលនិពន្ធ ដោយសម្តេចសង្ឃ ជួន ណាត ទំព័រទី៤៧៥ បន្ទាត់ទី១១ បោះពុម្ពលើកទី៥។ ១. ធម្ម (បា/សំ) មានន័យថាជាសភាវៈទ្រទ្រង់លោក។ បើនិយាយឲ្យស្រួលយល់ «ធម្ម» មានន័យថា ដំណើរមានតំាងពីដើមមក មុនមានអ្វីៗទំាងអស់។ ឬ «ធម្ម» ជាភាសាបាលីប្រែជាសំស្រ្កឹតប្រែថា «ធម៌» ជាភាសាខ្មែរថា «ពាក្យសម្តី» ដែលខ្មែរ យើងប្រើចំពោះព្រះ ឬស្តេចថា «ព្រះបន្ទូល»។ ២. ​ជាតិ (បា/សំ) មានន័យ​ថា កំណើត ការបង្កើតឡើងជាអ្វីៗដែលបានបង្កើតឡើងដូចជា៖
រុក្ខជាតិ មនុស្ស សត្វ និងភពផ្សេងៗ។ ដូ​ច្នេះ យើងទទួលបានជាសមិទ្ធផល​រួមយ៉ាងច្បាស់ក្រឡែតថា ធម្មជាតិ គឺត្រូវបានបង្កើតឡើងដោយសារព្រះបន្ទូល ព្រះ។ ព្រះបន្ទូលទ្រង់បានចែងថា «ដ្បិត​គឺ​ទ្រង់​ហើយ ដែល​បង្កើត​គ្រប់​ទាំង​អស់ ទាំង​របស់​នៅ​ស្ថានសួគ៌ និង​នៅ​ផែនដី ទាំង​របស់​ដែល​មើល​​ឃើញ ហើយ​ដែល​មើល​មិន​ឃើញ​ផង...»។ ​មនុស្សបានកកើតពេញពាស​លើផែនដី ប៉ុន្តែ គេមិនដឹង អំពីប្រភពដើមកំណើតរបស់ខ្លួន ហើយគេក៏មិនដឹងពីកន្លែងណាដែលខ្លួនត្រូវទៅ បន្ទាប់ពីស្លាប់ដែរ។ បញ្ហាទំាងនេះប​ណ្តាល​មកពីគេមិនទាន់បានស្គាល់ព្រះ អាទិករនៅឡើយ។ មានតែទ្រង់ទេ ដែលអាចប្រាប់ការពិតដល់មនុស្សលោក បាន។ ដើមដំបូងព្រះជាម្ចាស់បានបង្កើត​មនុស្សលោកឡើង ហើយ​គេក៏មាន ទំនាក់ទំនងយ៉ាងល្អជាមួយនឹងទ្រង់ដែរ។ ព្រះបន្ទូលទ្រង់បាន​ចែងថា «ទ្រង់​ក៏​បង្កើត​មនុស្ស​ឲ្យ​ដូច​រូប​អង្គ​ទ្រង់ គឺ​បាន​បង្កើត​គេ​ឲ្យ​ចំ​នឹង​រូប​អង្គ​ទ្រង់​នោះ​ឯង ក៏​បង្កើត​គេ​ឡើង​ជា​ប្រុស​ជា​ស្រី ទ្រង់​ប្រទាន​ពរ​ដល់​គេ ហើយ​មាន​ព្រះបន្ទូល​ថា ចូរ​បង្កើត​កូន​ឲ្យ​ចំរើន​ជា​ច្រើន​ឡើង ឲ្យ​មាន​ពេញពាស​លើ​ផែនដី​ចុះ...»។ ប៉ុន្តែ ដោយសារការមិនស្តាប់បង្គាប់របស់ពួកគេ នោះវត្តមាននៃអំពើបាបបានចូលមក ពង្រាត់មនុស្ស​ឲ្យចាកឆ្ងាយពីព្រះដ៏បរិសុទ្ធ។ ហេតុដូច្នេះ «បាប​បាន​ចូល​មក​ក្នុង​​ពិភពលោក ដោយសារ​មនុស្ស​តែ​ម្នាក់...» «ដ្បិតឈ្នួលរបស់អំពើបាប នោះជា សេចក្តីស្លាប់...»។ ផលវិបាកនៃអំពើបាបបានបណ្តាលឲ្យយើងបាន​ព្រាត់ប្រាសពី ព្រះពិត ហើយរូបកាយរបស់យើង​នឹងត្រូវស្លាប់នៅថ្ងៃណាមួយ​ជាមិនខានដែរ មិនត្រឹមតែប៉ុណ្ណោះ បើសិនណាជាលោកអ្នកមិនបានទទួលការសង្រ្គោះពី ព្រះយេស៊ូវ ​​នោះលោកអ្នកនឹងត្រូវឈរចំពោះមុខទ្រង់ ហើយទ្រង់នឹងធ្វើការ ជំនុំជម្រះគ្រប់ទំាងអំពើបាបដែលលោកអ្នកបានប្រព្រឹត្ត។ ព្រះបន្ទូលទ្រង់បាន ចែងថា «មនុស្ស​ស្លាប់ ទាំង​អ្នក​ធំ ទាំង​អ្នក​តូច គេ​ឈរ​នៅ​ចំពោះ​ព្រះ បញ្ជី​ក៏​បាន​បើក​ឡើង ហើយ​បញ្ជី​១​ទៀត គឺ​ជា​បញ្ជី​ជីវិត​បាន​បើក​ឡើង​ដែរ រួច​មនុស្ស​ស្លាប់​ទាំង​អស់​ត្រូវ​ជំនុំជំរះ ពី​សេចក្តី​ដែល​កត់​ទុក​ក្នុង​បញ្ជី​ទាំង​នោះ តាម​អំពើ​ដែល​គេ​បាន​ប្រព្រឹត្ត​រៀង​ខ្លួន» «បើ​អ្នក​ណា​គ្មាន​ឈ្មោះ​កត់​ទុក​ក្នុង​បញ្ជី​ជីវិត អ្នក​នោះ​ត្រូវ​បោះ​ទៅ​ក្នុង​បឹង​ភ្លើង»។ ព្រះអាទិករព្រះនាមព្រះយេស៊ូវគ្រីស្ទ ទ្រង់ជាសេចក្តី ស្រឡាញ់ «ទ្រង់​មាន​ព្រះហឫទ័យ​អត់ធ្មត់​នឹង​យើង​រាល់​គ្នា​វិញ ដោយ​មិន​ចង់​ឲ្យ​អ្នក​ណា​មួយ​វិនាស​ឡើយ គឺ​ចង់​ឲ្យ​មនុស្ស​ទាំង​អស់​បាន​ប្រែ​ចិត្ត​វិញ...» «ទ្រង់​សព្វ​ព្រះហឫទ័យ ឲ្យ​មនុស្ស​ទាំង​អស់​បាន​សង្គ្រោះ...» «...​ព្រះគ្រីស្ទ​បាន​សុគត ដោយ​ព្រោះ​បាប​របស់​យើង​រាល់​គ្នា...ហើយ​ថាទ្រង់​ត្រូវ​គេ​បញ្ចុះ​ក្នុង​ផ្នូរ រួច​ដល់​ថ្ងៃ​ទី​៣ នោះ​ទ្រង់​មាន​ព្រះជន្ម​រស់​ឡើង​វិញ...» «ហើយ​គ្រប់​គ្នា គឺ​អស់​អ្នក​ណា​ដែល​អំពាវនាវ​ដល់​ព្រះនាម​ព្រះអម្ចាស់ នោះ​នឹង​បាន​សង្គ្រោះ»។ សូមពិចារណារឿង នេះមុនពេលវាហួសពេល!