شيله الحسين كلمات نهير هدي الحسيني اداء راضي العطيفي 2022

توا زان القصيد وزانت الحونه
وزان قافً على الأمجاد مضربها

راكب اللي من الأخطار مامونه
وسم ربعي عليها في جوانبها

تقطع الدرب والأعراف مصيونه
والمعادي يهابه ما تقربها

قدمك اللي نهار الهوش مضمونه
من سطرها ماتنظر في عواقبها

يوم وقتن به الأفعال مرهونه
شربنا للبلاوي مع مصايبها

من زبن للهيافا تنثني دونه
يشرب العز ماهمه صعايبها

الجلاوي بعون الله يعزونه
لين تقضي وتصفي له مشاربها

لابتي بالملاقا حيل مجنونه
تنطح اللي نواها لين تعطبها

مثل ضلعً تظلل به وبحصونه
وان وقع كسر العدوان واذهبها

من سلايل هل الميقاف وركونه
الدغيرات والاسماء تهيبها

دربهم موت وهم الموت يردونه
كل هيه على العدوان تكسبها

واسم شمر كثير اعداء يخبرونه
ما تقرب عداها من مضاربها.

يوم ضرب السيوف بحد مسنونه
ويوم زرق الرماح بكف قاضبها

فعل شمر على الأعداء يعدونه
ما تهناء عداها من سبايبها

وبالكرم تذهل عيونن يشوفونه
وبالعطا تعطي ولاهي تحسبها

يوم وقتن ما تلقا ما يحطونه
ضيوف شمر مكرمتن شواربها

والخوي بالشدايد ما يخلونه
لابتن ما تغير به مذاهبها

شمر اللي بفعل الطيب مفتونه
كل علياً لشمر ما تغاربها