პატრიარქი გორში იმყოფება

საქართველოს კათოლიკოს-პატრიარქი ილია II დღეს გორში იმყოფება. რუსეთ-საქართველოს ომის შემდეგ, უწმინდესი გორს პირველად სტუმრობს.

კათოლიკოს-პატრიარქი გორში, ვერხვების დასახლებაში მცხოვრებ დევნილ მოსახლეობას შეხვდა და ახლადგახსნილ წმ. ნინოს ტაძარსა და ღვთისმშობლის შობის გორის საკათედრო ტაძარში პარაკლისი გადაიხადა.

ილია II, სამთავისისა და გორის ეპარქიის მთავარეპისკოპოს ანდრიასთან ერთად, კულტურისა და სულიერი განათლების ცენტრების გახსნას დაესწრო ქალაქ გორსა და სოფელ კარალეთში.

გორისა და კარალეთის კულტურისა და სულიერი განათლების ცენტრებში, რომლებიც საქართველოს მართლმადიდებელი ეკლესიის წმ. სინოდის დადგნილებით და მეუფე ანდრიას კურთხევით დაფუძნდა, განთავსებულია ეპარქიის მისიონერული, ხუროთმოძღვრებისა და არქიტექტურის სამსახურები, ფსიქო-სოციალური რეაბილიტაციის ცენტრი „გადარჩენის გზა“ და ბავშვთა ფსიქოლოგიური რეაბილიტაციის ცენტრი.