Скачать или смотреть បោះឈូង ស៊ីន ស៊ីសាមុត និង រស់ សេរីសុទ្ធា

#បោះឈូង
បទភ្លេង ប្រជាប្រិយ
ទំនុកច្រៀង និង រៀបរៀងសម្រួលបទភ្លេង មែរ ប៊ុន
ច្រៀងដោយលោក ស៊ីន ស៊ីសាមុត និង អ្នកស្រី រស់ សេរីសុទ្ធា

និយាយៈ (ប) មក៏! ចូលឆ្នាំថ្មីហើយ យើងនាំគ្នាលេងបោះឈូងអី (ស) ចា៎ះ! លេងក៏លេង (ប) តែមុននឹងលេងសន្យាគ្នាសិន (ស) សន្យាម៉េចទៅ? (ប) សន្យាថាបើខាងប្រុសបោះឈូងទៅហើយស្រីចាប់បាន ប្រុសច្រៀងឲ្យស្ដាប់មុន (ស) ចាស! (ប) បើខាងស្រីបោះមកប្រុសវិញ ប្រុសចាប់បានត្រូវខាងស្រីច្រៀងឲ្យស្ដាប់មុនវិញ (ស) ចាស! អីចឹងចាំប្រុងណា៎ះ!... (ប) បាទ! (ស) ឈូងអើយឈូង!... (ប) ចាប់បានស្រេច ឥឡូវចាប់បានហើយ ច្រៀងមក៏! (ស) ច្រៀងក៏ច្រៀងដែរ......

១ - (ស) អូនបោះអឺអឺយឈូងទៅ ថ្លៃអើយឈូងបែកជាប្រាំ (រួម) អូនបោះអឺអឺយឈូងទៅ ថ្លៃអើយឈូងបែកជាប្រាំ (ស) ខែចេត្រចូលឆ្នាំ (រួម) ហាអឺអឺងអឺយ (ស) ចូលមហាសង្ក្រាន្តថ្មី (រួម) ហាអឺអឺងអឺយ ចូលមហាសង្ក្រាន្តថ្មី
២ - (ប) បងបោះអឺអឺយឈូងទៅ ថ្លៃអើយឈូងខ្ពស់គ្រលួច (រួម) បងបោះអឺអឺយឈូងទៅ ថ្លៃអើយឈូងខ្ពស់គ្រលួច (ប) ឈូងរត់មិនរួច (រួម) ហាអឺអឺងអឺយ (ប) ជាប់ស្នេហ៍អូនស្រី (រួម) ហាអឺអឺងអឺយ ជាប់ស្នេហ៍អូនស្រី
៣ - (ស) អូនបោះអឺអឺយឈូងទៅ ថ្លៃអើយកម្ពស់ចុងដូង (រួម) អូនបោះអឺអឺយឈូងទៅ ថ្លៃអើយកម្ពស់ចុងដូង (ស) ក្រមុំឈរច្រូង (រួម) ហាអឺអឺងអឺយ (ស) ឈរហុចស្លាបង (រួម) ហាអឺអឺងអឺយ ឈរហុចស្លាបង
៤ - (ប) បងបោះអឺអឺយឈូងទៅ ថ្លៃអើយឈូងរត់ឡើងលើ (រួម) បងបោះអឺអឺយឈូងទៅ ថ្លៃអើយឈូងរត់ឡើងលើ (ប) ឃើញស្រីជំទើរ (រួម) ហាអឺអឺងអឺយ (ប) ទទួលឈូងបង (រួម) ហាអឺអឺងអឺយ ទទួលឈូងបង ៕
----------------------------------------------------------------------------------
មរតកសំនៀង