Hmoob qauv ntaub qauv ntawv (Part 1 of 7)

Hmoob qauv ntaub qauv ntawv, Hmoob nyiam hnav thiab kawm thoob ntuj. Hmoob noob lus, noob ris, noob tsho, noob ntaub, noob ntawv, ntawm poj koob yawm txwv Hmoob.

Sob lus sam fwm. Thov sam fwm rau ib tsoom kwv tij phooj ywg tsoom tub txawj thiab ntxhais ntse txhua txhua leej txhua tus paub hais tias 3 Hmoob cov qauv ntaub qauv ntawv no yog 3 Hmoob muab raws li tej noob ntaub noob ntawv ntuj thaum ub 3 Hmoob tej tub txawj ntxhais ntse ntawm 3 Hmoob tau muab zwm tseg cia rau hauv 3 Hmoob txoj kev ua paj ntaub xwb.

Raws li 3 Hmoob tau hais tseg hais tias txog caij txog nyoog lawm kom peb rov qab thau tus noob ntaub noob ntawv ntawm 3 Hmoob tawm rov qab coj los sau ua ntaub ua ntawv ntawm 3 Hmoob cov ntawv rov qab los qhia rau peb tsoom tub tsoom kiv thiab ib tsoom Hmoob sawv daws mus rau yav tom ntej thiab lub neej pem suab.

Tus ntawv Hmoob no peb muab tis npe hu hais tias Hmoob ntaub ntawv no, tsis yog peb muab los ntawm lwm haiv neeg, tsis yog peb muab los ntawm kev npau suav, dab qhia. Thiab tsis yog peb muab los ntawm txoj kev tsis meej tsis pem. Es tsis yog Hmoob teej Hmoob tug. Txhua txhua tus tsiaj ntaub los yog txhua txhua tus tsiaj ntawv peb yeej muab muaj pov thawj tim khawv tib si, los ntawm ua yog Hmoob teej Hmoob tug tiag tiag xwb.

Hmoob tus noob ntaub ntawv no tsis yog ib tug leej tus twg li ntiag tug yog tag nrho 3 Hmoob sawv daws li teej tug yog no tag 3 Hmoob suav daws yuav tsum tau los nrog kawm kom paub sau thiab paub nyeem thiab sib pab txhim kho kom dhau. Los rau toj kev nrog luag muaj ntaub muaj ntawv rau ntawm yus tsav neeg rau yav tom ntej thiab lub neej pem suab.

Tus ntaub ntawv tsim tsa los ntawm 3 Hmoob muaj raws li nram qab no. 1 yog Hmoob kab lis kev cai ua tus tsim. 2 yog Hmoob tsoos tsho ua tus tsim. Thiab 3 yog Hmoob noob lus ua tus tsim. 3 tug Hmoob no yog nyob rau hauv Hmoob txooj cog koom kev txeeg txuj tau los muab 3 Hmoob cov teej tug ceev cia ua qauv ntaub qauv ntawv tseg rau tsav neeg hu ua 3 Hmoob no. Tus ntaub ntawv no muaj peev xwm sau hais tau lus Hmoob meej thiab zoo heev. Thiab tus qauv ntaub qauv ntawv no tsis muab 3 Hmoob cais ua ntau hom suab lus Hmoob.

Tus ntaub ntawv no yog 3 Hmoob muab. 3 Hmoob teej coj los ceev ua 3 Hmoob tug 3 Hmoob ntaub los ceev ua 3 Hmoob ntawv. 3 Hmoob ntawv los ceev 3 Hmoob lus. 3 Hmoob txuj los ceev khawd 3 Hmoob ci xwb. yog no peb cov txuj ci Hmoob hais tas los no tsuas los khaws teej tug Hmoob cia thiab txoj kev sib haum xeeb xwb.

3 Hmoob xuj ci teej tug kab lis kev cai, noob lus, noob ntaub noob ntawv no thiab noob ris noob tsho, kev coj noj coj hnav thiab coj noj coj kawm no. Tsis pub cuam tshuam nqe txog txoj kev kum xeeb dab tsi tag nrho li. Tsuas yog cuam tshuam txog txoj kev coj noj coj hnav coj noj coj ua thiab coj noj coj kawm xwb. Cov ntaub ntawv no 3 Hmoob poj koob yawm txwv tsua tsim los ceev Hmoob teej khaws Hmoob tug xwb yog leej twg lam coj mus ua kev sib kum xeeb peb tsoom tub tshawb fawb yuav tsis nrog nws lav paub.

Ua tsaug.