Скачать или смотреть Në familjen e minatorit që humbi jetën në galeritë e kromit, në zonën mineral-mbajtëse D të Bulqizës

Të mërkurën e 24 shkurtit 2021 në galeritë e kromit në zonën mineral-mbajtëse D në Bulqizë, mbeti i vrarë minatori Fiqiri Karaj, baba i tre fëmijëve.
Zona D ku ndodhi aksidenti, është cilësuar në vazhdimësi nga specialistët e minierës si më e pasigurta dhe me numrin më të lartë të aksidenteve të ndodhura në minierën e Bulqizës.

E shoqja e të ndjerit, Fatbardha Karaj, tregon se jeton në kushte shumë të vështira ekonomike. Nëna e minatorit të ndjerë, shprehet se djali i saj ishte “shtylla e shtëpisë” dhe se nusja dhe vajzat, me humbjen e tij, përballen me probleme të shumta.

Fatbardha së bashku me tre vajzat e saj jetojnë në një shtëpi, të cilët e ndajnë bashkë me kunatin. Shtesën që kishim nisur për zgjerimin e shtëpisë, nuk arritën që ta përfundonin. Njëra nga vajzat ka probleme shëndetësore, që e detyrojnë Fatbardhën që të udhëtojë një herë në dy muaj për kontrolle shëndetësore në Tiranë.

Fatbardha shprehet se nuk ka njohuri për të kërkuar siguracionin e jetës që kishte burri, duke apeluar për ndihmë që një jurist ta ndihmojë në këtë drejtim.

Gjatë vitit 2020-të në minierat e Bulqizës dhe Dibrës pati pesë të vdekur dhe 28 minator të plagosur. Qarku Dibër, mban vendin e dytë për numrin e lartë të aksidenteve dhe të fataliteteve në vendin e punës pas Tiranës.