Скачать или смотреть شيله حواء الشاعر والمنشد فهد المسيعيد بمناسبة زواج بنته حواء فهد المسيعيد

قلت اعبر عن اللي داخلي من كلام
كلها لجل عينك هي مع الحانها
في زواجك ياحواء ماعلينا ملام
فتحت لجلك القيفان بيبانها

انعمس خاطري منها علي الحرام
مادري كيف انا ابختار قيفانها
كل قافن يعجز انه يجيب الكلام
ماقبلت ابتدي به بس من شانها


اكتب اللي تبي يبقى لها كل عام
لجل عقب البطا توحيه باذانها
بنتي الغاليه مستورتن باللثام
ماتحب التبرج تكحل اعيانها

صايمه مستقيمه مع صلاه القيام
تستحي والحيامن واقع اشجانها
لي معاها حيات ولي معاها غرام
يوم كانت صغيره عند جدانها

اعتلت بالغلا عن لابسات الزمام
والمحبه من الله عالين شانها
فرحتي في فرحها كنهالي وسام
ويش قاع المحل لو عل قيعانها

المطر لويدك القاع سبعين عام
مايساوي بعيني لبس فستانها
والله اني لسوق لها الغلا باهتمام
واعطي اللي تبي من شان ذرعانها

احمد اللي رزقك بطيبين المقام
الرجال تعرفها بمنطق لسانها
معدن الطيب والله عز هاك العمام
من كبير العرب لحين ورعانها

تكتمل فرحتي للطيبين الكرام
ولجلهم نعسف القيفان بوزانها