Təqdimat videosu - ŞAHDAĞ QUBA & TRUSKAVETS TİBBİ SANATORİYASI

ŞAHDAĞ QUBA & TRUSKAVETS TİBBİ SANATORİYASI
Qubada “Shahdag Guba & Truskavets Medical Sanatorium” müasir müalicə-sanatoriya kompleksi Azərbaycanın ən səfalı bölgələrindən biri olan Qubada istifadəyə verilib. “Shahdag Guba & Truskavets Medical Sanatorium” adlı bu müalicə-sanatoriya kompleksi Quba şəhərinin mərkəzində, Qudyalçayın sahilindəki səfalı guşədə, Nizami parkının yaxınlığında yerləşir. Orada vaxtilə, sovet dövründə “Şahdağ” adlı mehmanxana kompleksi fəaliyyət göstərirdi, indi isə həmin mehmanxana bir çox xəstəliklər üçün şəfa mənbəyi olan, ən müasir tibbi avadanlıqlarla təchiz edilmiş müalicə-sanatoriya kompleksinə çevrilib.
Müalicə-sanatoriya kompleksi iki korpusdan ibarətdir, hər korpusda 79 nömrə var və bu da eyni vaxtda 500-ə yaxın pasiyenti qəbul etməyə imkan verir.
“Shahdag Guba & Truskavets Medical Sanatorium” müalicə-sanatoriya kompleksinin adındakı “Truskavets” sözü də təsadüfi deyil. Belə ki, Ukraynanın Karpat dağları ətəklərində yerləşən məşhur kurort şəhəri Truskavetslə Quba şəhəri bir neçə il əvvəl qardaşlaşmış şəhərlər olublar. 2019-cu ildə isə Quba şəhəri ilə Ukraynanın Truskavets şəhəri arasında ticarət-iqtisadi, elmi-texniki və mədəni əməkdaşlıq haqqında müqavilə imzalanıb.
Lakin Qubadakı sanatoriya-müalicə mərkəzini Truskavetslə birləşdirən təkcə iki şəhər arasında qardaşlıq əlaqələri deyil. “Shahdag Guba & Truskavets Medical Sanatorium” sanatoriya-müalicə kompleksində Truskavetsdən gətirilmiş müalicə vannları qoyulub, Ukraynanın bu kurort şəhərinin müalicə sanatoriyalarının təcrübəsindən istifadə edilib.

Ünvan: Quba şəhəri, Yusif Qasımov 66.
Rezervasiya üçün:
+994 (50) 252-22-56
+994 (51) 205-06-42
+994 (51) 226-52-33
+994 (50) 666-60-44