TUNGE INTHLEI THEI - Thuampui Branch YMA Zaipawl (Official Music Video)

RIMAWI KHAWVEL MUSIC AWARD 2022
Best Choir of the year

Song : Tunge Inthlei Thei
Artist : Thuampui Branch YMA Zaipawl
Composer : K. Hminga
Music : Hnamte Records

Thuampui Branch YMA Zaipawl Music Video hmasa ber hi Covid 19 hripui leng karah sawm bik mi tlemte te nen June ni 4, 2021 (Zirtawpni) zan dar 8:00 PM khan, Pu V. Lallungmuana, Chairman, Thuampui Local Council chuan a released a. He hla hi ngaithlatute tan nun kawng tha min kawhhmuh thartirtu lo ni se kan ti.

Kan Channel leh Video te min lo thlirsak avangin kan lawm a. Min lo subscribe, share & like sak turin kan ngen a che u. A hnuaiah hian a hla thu (Lyrics) kan rawn dah chhuak e.

TUNGE INTHLEI THEI

1. Ram leh kohhrana hruaitu mi rawn kaite,
Zahawmna dawhsana dinga felna hmaikawr vuah a,
Biakbuk thianghlimah leh pisa ropuiah,
A fawng vuantu chan chang.

Thiltitheitu nih vanga dik lohna thup chingte,
Rawngbawlna sang chelh vanga dik bera inngai,
Thihna hmaa angkhata kunza theuh tur hi,
Tunge inthlei thei.

2. Zirna run sang hrut chhuaka thiamna lehkha mawi tara,
Finna aia chapona zir chhuak, hre tam bera inchhal,
In thiamna hriam khan mi a hliam, in vanneia siamin,
Rawnkai in chang leh si.

Dinhmun thatna atanga mi hmuhsit chingte,
Thiamna sang tak atanga mi chungtlak ching,
Thihna hmaa angkhata kun za theuh tur hi,
Tunge inthlei thei.

3. Dai kil kawm kara seilian, pa mawlmang leh hriat tlem,
Aw, changkanna thlifim pawh dawng lo va an ngaih saw,
Lei ropuina lamah leh hausakna tehfungah,
Rethei pachhia chan chang saw.

Aw, Siamtu'n duh ten a duan hringmi a nihna saw,
Lei ropuina thuam thuahriat aiin a hlu,
Hausakna leh ropuinate pawh hi,
A tehtu a zir a ni.

Nang mihring i mihring mihrinna kha thlir la,
Ngaihtha taka famsan tlak damchhan i nei em?
Thihna hmaa angkhata kun za theuh tur hi,
TUNGE INTHLEI THEI!


ZAIPAWL BOARD :

Director : Er. K.Lalrimawia, Br. President
Secretary : B.Lalruatfela, Br. Fin.Secretary
Conductor : H.Lalrinawma, Br. ECM
Asst. Conductor : 1. H.Vanlalhruaia, Br. ECM
2. H.Lalduhawma, Br. ECM


This is cover song of K. Hminga (Tunge inthlei thei)    • K.Hminga - Tu nge inthlei thei? (Offi...