Скачать или смотреть እመጓ ቅዱስ ዑራኤል መንፈስን የሚያድስ ገዳም! Amazing Ethiopian Monastery

#እመጓ፟፟_ዑራኤል
ሞላሌ ~ መንዝ ~ ሸዋ
ይህ ቦታ ከሞላሌ ከተማ በስተ ምእራብ አቅጣጫ የ2 ሰአት ከ30 ደቂቃ የእግር ጉዞ ከተጓዙ በኋላ የሚገኝ ሲሆን ቤተ ክርስትያኑን ያሰሩት አጼ ናኦድ እንደሆኑ በድርሳኑ ላይ ተጽፎ ይገኛል፡፡ በዚህ ቦታ በአመት አንድ ጊዜ የእርገት በአል በድምቀት ተከብሮ ይውላል፡፡ ቦታው ቅዱስ ዑራኤል የጌታችንን ቅዱስ ደም የረጨበት ሲሆን በአሁኑ ሰአት በየአመቱ የእርገት በአል ሲከበር መላኩ ቅዲስ ኡራኤል የጌታን ደም የረጨበት ቦታ ድረስ ምእመናን ከተለያዩ አካባቢዎች በመምጣት እየጎበኙ በረከትን እያገኙ ይገኛል፡፡ ከዚህ በተጨማሪም በዚሁ አካባቢ የቅዱስ ጊወርጊስ ፈረሶች ከተራራ ተራራ እየዘለሉ ለብዙ ዘመናት የአካባቢውን ማህበረሰብ ያሰቃይ የነበረውን ሰይጣን ድል ለመንሳት ሲዋጉ ፈረሶቹ የረገጡት የእግራቸው ኮቴ ቅርጽ ድንጋይ ላይ ቀርቶ የሚታይበት ተአምረኛ ቦታ ነው፡፡ በተጨማሪም ከዚህ ቦታ በስተ ደቡብ ምእራብ በኩል በገደሉ ስር በአፄ ናኦድ ዘመነ መንግስት የተመሰረተች ቀጭን አምባ ማርያም የምትባል ቤተክርስትያን ስትገኝ በዚች ቅድስት ቦታ ብዙ ተአምራት የተደረጉ ሲሆን ከነዚህም መካከል በጌታችን የስቅለት እለት አጋንንት ወደ ሲኦል የወረዱበት አስደናቂ ቦታ ይገኛል፡፡
ይህ ገዳም መንዝ ውስጥ የሚገኝ /እመ እጓል ቆጵሮስ ኢየሱስ ቅዱስ ዑራኤል /ገዳም
ይህ ቦታ--
፩-ድንግል ማርያም ከልጅዋ ጋር በተሰደደች ግዜ የተቀመጠችበት ቦታ ነው፡፡
፪-የቦታውን ስም እራሱ ጌታቸን ነው ስሙን ያወጣው /እመጋል/ብሎ፡፡እመጋል ሲለው /የእኔና የአንች ሀገር (የእናትና የልጅ)ሀገር ብሎታል
፫-በቦታው ሁለት ተራራ አለ:----
1-ገሊላ(ክሊና)ተራራ:-ይህ ተራራ እመቤታችን የተቀመጠችበት ና ጌታችን ኢትዮጵያን አስራት ሀገርሽ ትሁንሽ ብሎ ያረገበት ቦታ ነው፡፡በተራራው ላይ በአየር ላይ የቆመ ድንጋይ ይታያል ፡በድንጋው ላይ ተወጥቶ 3ግዜ ይዞራል
2-ቆጵሮስ ተራራ:-ይህ ተራራ ቅዱስ ኡራኤል የጌታን ደም የረጨበት ጽዋ(መነሳነስ)የሰወረበት ተራራ ነው የሰወረበት ቦታ ይታያል።
፬-በዚህ ቦታ ጌታችን ለቅዱስ ጊዮርጊስ ኢትዮጵያን አስራት ሀገርህ ነች ብሎት ያረገበት ቦታና የቅዱስ ጊዮርጊስ የፈረሱ የ4ቱ የእግሩ አሻራ በድንጋይ ላይ ታትሞ ይታያል፡፡
፭-በቦታው ላይ ዋሻ አለ ::በዋሻው ውስጥ:-
-/ የድንግል ማርያም የእጅዋ አሻራ በድንጋይ ታትሞ /ይታያል
-ያልፈረሰ;ያልበሰበሰ ክንፍ ያላቸው አፅመ ቅድሳን አጽም ይታያል
-የድንግልና የልጅዋ ልብስ እንዳለ ይነገራል
-የሚጠበቀው ዋሻው በነጭ ነብርና በነጭ አንበሳ ነው
፮-በዚሁ አካባቢ የማርያም ገዳም አለ የማርያም ቤተክርስቲያን ያረፈበት ቦታ ድንግል የተቀመጠችበትን ቦታ ቅዱስ ኡራኤል በክንፉ የጠረገው ቦታ ነው ቤተክርስቲያን የተሰራው።
የቦታው ቃልኪዳን :-ቦታው የረገጠ (የቦታውን አካባቢ አሻግሮ ያየ)189ትውልድ ያለ ንስሀ እምረዋለሁ የጠየቀውን የሀሳቡን እሰጠዋለሁ;እምረዋለሁ፡፡
በረከቱ ይደርባችን አሜን አሜን አሜን!!!