Скачать или смотреть 🪴આજે આનંદ નંદજીના આંગણે🪴 લખેલું છે 👇

આજે આનંદ નંદજીના ઘેર રે
વ્રજ મા થાય છે લીલા લ્હેર રે

ગોપી અતિ રે આનંદ ભર્યા આવે રે
થાળ સગ મોતીનો ભરી લાવે રે

મારા વાલાજીને હરખે વધાવે રે
વાલો ત્રિભુવન નાથ કેવાયા રે

ધન્ય ધન્ય નંદજીનુ ફળીયું રે
મારો વાલો કરે છે રંગ હળીયુ રે

ધન્ય ધન્ય જશોદા જી મૈયા રે
એને ખોળે ખેલે છે કનૈયો રે

વાલો હસ્તના ધાવણ ધાવે રે
એવા ગોપીયુને લાડ લડાવે રે

એવા હેત ગોપીની હારે કિધા રે
મહિ માખણ ચોરી ચોરી ખાધા રે

વાલા મથુરા મા શું મીઠું રે
એવી કુબજામા શું દીઠું રે

વાલો કુબજાની સંગે મોહ્યા રે
એવી ગોપીઓ ની સાથે શોભ્યા રે

વાલે જમુનાને ઘાટે રે
મારા વસ્ત્રો હર્યા શા માટે રે

વાલે વનરાવનની વાટે રે
મારા મહી લુટ્યા શા માટે રે

વાલે જમુનાજીને તીરે રે
વાલે બંસી બજાવી ધીરે ધીરે રે

વાલે ગિરી ગોવર્ધન ધાર્યો રે
એવો ઇંદ્ર નો ગર્વ ઉતાર્યો રે

ગોકુલ આવોને વ્રજ ના વાલા રે
તમે નંદ જશોદાના લાલા રે

ગોકુલ આવોને ગિરીવરધારી રે
તમારી વાટ જુએ વ્રજ નારી રે

ધન્ય ધન્ય કદમ કેરાં ઝાડ રે
વાલે કર્યો વેણુ નાદ રે

ધન્ય ધન્ય જમુનાજીની રેતી રે
હું તો નીત્ય ચરણામૃત લેતી રે

ધન્ય ધન્ય ગોકુળીયાની ગાયુ રે
વાલે ચારી જમુનાજીમા પાયું રે

ધન્ય શરદ પુનમ ની રાતે રે
વાલે રાસ રમાય સૌની સાથે રે

ધન્ય ધન્ય જમુનાજીનો આરો રે
મારો સફળ થયો જનમારો

🙏🪴🙏🪴🙏🪴🙏🪴🙏🪴🙏