Скачать или смотреть بدوي - حاكم الشيباني - كلمات ناصر المري حصري 2023

#حاكم_الشيباني




‏ياهجوس بين حدب الضلـوع إلهـا دوي
‏كن دويها سيل وادي معـا راس شرفـه
‏:
‏هيضتنـي وادخلتنـي طريـق ملتـوي
‏والدروب العـوج دايـم وراهـا تكلفـه
‏:
‏لابغيت اسري مع الليـل مـادور خـوي
‏الخوي رشاشي اللي معـه كـم سعفـه
‏:
‏مايخوفني عـواء الذيـب لاقـام يعـوي
‏ولا دخل قلبي من اعواه خفـه ورجفـه
‏:
كان قلب الذيب قاسي فانا قلبي قوي
ذي صفات الذيب وانا معي مثله صفه

بدوي واعيش واموت وانا ابن بدوي
ماتعلمت الضعافه ولا عشت ضعفه

الليالي علمتني على المسرى اعشوي
ماهتنيت براحة البال وارقاد الدفا

مهتوي مشي مع البيد واطويها طوي
والمولع كل ماشاف له برق شعفه

مايوسع صدر راع الغرام المهتوي
غير مشي في قراره وشراف طهفه

ياوجودي والمحبه كوت قلبي كوي
من وليفن جر قلبي وتله وحذفه

جيت له عطشان ابشرب من الماء وارتوي
في رجاء هرجن هرج به من اول واخلفه

وقمت اردد مايقوله واسولف واغوي
مرتن اقول شفني ومراتن شفه

كن عينه يوم يلحظ بها عين خلوي
شايف الصقار يومي زريقه وخطفه

وكنه مطرق خيزران زواه الله زوي
ينعطف ثوبه عن الساق من شي اعطفه

مستوي بالعقل والزين واصبح مستوي
وعذابي من غرام الهنوف المترفه