රට ගොඩනගන වැඩපිළිවෙළක් වත්මන් රජයට නැහැ.

රට ගොඩනගන වැඩපිළිවෙළක් වත්මන් රජයට නැහැ - සමගි ජන බලවේගයේ සහ සමගි ජන සන්ධානයේ නායක සජිත් ප්‍රේමදාස මහතා

හිටපු ජනාධිපතිවරයා ප්‍රමුඛ ආණ්ඩුව ශ්‍රී ලංකාව නැවත ණය ගෙවන්නේ 2028 සිට ලෙස අයි. එම්. එෆ් එකට පොරොන්දු වුවත් අයි එම් එෆ් කිව්වේ 2033 සිට ණය ගෙවන ලෙස බවත් 2028 වන විට අප රට ශක්තිමත් තැනකට ආ යුතු බවත් ඒ සදහා දැවැන්ත ආර්ථික වර්ධනය වේගයක් ලබා ගන්න සෘජු විදේශ ආයෝජන ප්‍රවර්ධනය කර ක්ෂුද්‍ර කුඩා හා මධ්‍ය පරිමාණ ව්‍යාපාරිකයන් රැකගත යුතු බවත් නව ව්‍යවසායකයන් බිහි කර අපනයන කේන්ද්‍රීය ආර්ථික වර්ධනයක අත් කර ගත යුතු බවත් සජිත් ප්‍රේමදාස මහතා පැවසීය.

ඒ සදහා සුදුසු වැඩපිළිවෙළක් දර්ශනයක් ඇත්තේ කාටද කියා ජනතාව සිතිය යුතු බවත් වත්මං ජනාධිපතිවරයා ප්‍රමුඛ ආණ්ඩුවට එවැනි වැඩපිළිවෙළක් නොමැති බවත් එම නිසා පාර්ලිමේන්තුවේ බලය හා බහුතරය සමගි ජන බලවේගයට ලබා දෙන ලෙස ඉල්ලා සිටින බවත් සමගි ජන බලවේගයේ හා සමගි ජන සන්ධානයේ නායක සජිත් ප්‍රේමදාස මහතා පැවසීය.

සමගි ජන බලවේගයේ සහ සමගි ජන සන්ධානයේ නායක සජිත් ප්‍රේමදාස මහතා මේ බව කියා සිටියේ එරාන් වික්‍රමරත්න මහතාගේ මූලිකත්වයෙන් මොරටුවේ පැවැති ජන හමුවකදීය.

ජනතාව විදින දුක කදුල වේදනාව ගැන සිතා පටු වාදභේද පැත්තකට දමා රට ගොඩනැගිය හැකි හොදම කණ්ඩායම සිටින සමගි ජන බලවේගය ජනාධිපතිවරයා සමග එක්ව රට ගොඩනගන්න සුදානම් බවත් ඒ සදහා අවශ්‍ය ජනවරම ලබා දෙන ලෙස ඉල්ලා සිටින බවත් සජිත් ප්‍රේමදාස මහතා මෙහි දී පැවසීය.