Скачать или смотреть Dana Xani

بومەتە دەریا بە ناڵەو قوڵپی فرمێسکی گەشم
غەرقی خوێناوە بەجارێ دەر هەتا ناخی لەشم
بێ کەسی ئەنجامی وایە من دەڵێم نیم و هەشم
قەت لە دونیادا نەبوو بێجگە لە ناخۆشی بەشم
مات و داماوو پەشێوو بێ کەس و چارە ڕەشم
..............................​...

من دەمێکە دورە لێم بەهرەی ژیانی بەختەوەر
زۆر مەحاڵە باخی هیوام بەم سزایە بێتە بەر
چونکە کوردم بۆتە پیشەم بێ ووڵاتی و دەر بە دەر
سەردەمێک ئاوارە بووم و ماوەیەکیش دەست بەسەر
نەمدی ڕووی ئاسودەیی هەر توشی گێرەو قەرقەشم
..............................​...
وام لە دۆزەخدا برایان تا نەمردووم بمگەنێ
زۆر لە خۆی بێزارە گیانم چاری دەردێکی بەنێ
گەر بە زوخاویش شیفامە بێ یەک و دوو بمدەنێ
نایەڵێ دوژمن بە ڕەنگە زەردەکەی من پێکەنێ
تادەمی مردن ئەمن مەمنونی فرمێسکی گەشم
..............................​...
پێنج خشتەکی
حەمە عەزیز
لە سەر
هۆنراوەیەکی
مامۆستا هێمن