好耐冇釣到花滑

我釣魚的路（？）好耐冇釣過花滑
5/1/2025今年頭一水艇家見風晴話車遠D到青州東泥堆，一路車都冇風但係有小小湧，個幾鐘到釣㸃見水色非常渾濁，應該係早幾日大東炒咗底！到都到咗唯有照釣啦！一如我所料冇囗！魚仔都冇咬一下！釣咗幾個位都係咁！艇家就同我相量要轉去邊度釣好！一係再車出去以前我地香港出必到嘅青州南沉船，哩隻沉船以前都釣過唔少次過擔黃腳白立，一係向東車出外海風車塔，嘩！要頂湧浪車到大青針嗰邊啊！好遠又辛苦！車青州南沉船順湧好車又近D就佢啦！車咗半個鐘就到，一望水色仲濁過埋面，唉！睇嚟今日冇運行啦！又釣咗個幾鐘又係一下魚仔啄都冇！死火啦！艇家話走！車返埋去一個連我都未釣過嘅位，又車成個鐘先到，以有一隻艇釣緊，唔通有料到？放繩！有魚仔咬！應該係滑你，幾個釣友都有食餌不過成隻蝦好難抽到佢，釣下釣下我食一下重重囗即刻抽中不過扯咗四五手爆嘴！可能係水底凍魚食得慢囗所以鈎得薄啩，跟住釣友連扯兩條花滑而各人亦有上白滑，我見咁情況馬上加個上釣鈎蝦肉針對滑仔，下鈎依舊鈎成隻蝦針對花滑！冇幾耐我就上兩條花滑，各人亦釣上幾十條滑仔，釣下釣下開始冇流魚亦冇咩囗，艇家話釣咗咁多位只哩度有魚食餌打死都唔再轉位，死捕！宜家揾多幾條魚釣都好難，希望起流魚再開囗啦！
流水終於等到艇家先發市釣到花滑仲要連扯4條，佢差D食白果呀！有流都疏口，滑仔都少！惨！

自己友艇在其他釣位只釣到幾條滑仔，好彩佢地艇家話車出風車塔俾佢地守到三㸃幾鐘有立開囗釣返十幾條，臨尾我艇家同我講原來風車塔以起到青州南沉船冇幾遠，由沉船車過去只需20分鐘！妖！知道我地都車出去啦