Скачать или смотреть Toshkent darvozalariga nazar: Unutilgan tarix izlari

Toshkent shahri 2000 yildan ortiq tarixga ega. Bu davr mobaynida shahar qiyofasi sezilarli darajada o‘zgargan — yangi istehkomlar, turar-joy mavzelari va dahalar vujudga kelgan. Ehtimol, har bir qiziquvchan toshkentlik, bundan 100-200 yil avval yashayotgan hududi o‘rnida nimalar bo‘lganini bilishga qiziqsa ajab emas.

XIX asrga qadar Toshkent kuchli qal’a devori bilan o‘ralgan bo‘lib, unda 12 ta darvoza mavjud edi. Qal’a devori shaharni dushman hujumlari va tashqi tahdidlardan himoya qilish vazifasini bajargan. Dastlab, Binkent nomi bilan tanilgan qadimgi Toshkent 7 ta darvozaga ega bo‘lgan. XIX asr boshlariga kelib bu son 8 taga yetgan. 1864-yilga kelib esa shaharda 12 ta darvoza bo‘lgan.

"Jadid" gazetasi ushbu tarixiy darvozalar haqida faktlarga asoslangan ko‘rsatuv tayyorladi. Ko‘rsatuv mehmoni — san’atshunos-arxitektor Shuhrat Abdullayev, u har bir darvozaning o‘ziga xos tarixi va ahamiyati haqida so‘zlab berdi.