आई माताजी रो भजन🌈केसर बरसे बरसे आई माता रा मंदिर में

‪@marvadi_lugayo_ra_bhajan‬


~ 🌈केसर बरसे बरसे🪔~

केसर बरसे बरसे बिलाड़ा आई माता रा मंदिर में। (२)
आई माता रा मंदिर में रे जगदम्बा रा मंदिर में। (२)
केसर बरसे बरसे......।।

शहर बिलाड़ा माय भवानी , सब रा कष्ट मिटावे। (२)
ऊंचे आसन आई बिराजे , भक्त गण हर्षावे। (२)
केसर बरसे बरसे......।।

सीरवियो री कुलदेवी मां , सब री सहाय करावे। (२)
दूर दूर सु भक्त दौड़ता , दर्शन करने आवे। (२)
केसर बरसे बरसे......।।

चेत सुदी पट बीज चांदनी , मेलो जोर रो भरावे। (२)
जय जय करता भक्त मोकला , शहर बिलाड़ा आवे। (२)
केसर बरसे बरसे......।।

जो कोई आवे शहर बिलाड़ा , जन्म जन्म सुख पावे। (२)
आई माता रा दर्शन सु , सब भाग्यवान बन जावे। (२)
केसर बरसे बरसे......।।

आई माता रे द्वार में , भक्त मण्डल जस गावे। (२)
जग में मां सुख संपति देईजो , सगला शीश जुकावे। (२)
केसर बरसे बरसे......।।

बोलो आई माता की........🙏🙏