Скачать или смотреть "ებრაელი" - საქართველოს ებრაელთა ისტორია - 1 თავი

მოგესალმებით მეგობარო! თქვენს წინაშეა უნიკალური პროექტი — საქართველოს ებრაელთა ისტორიის ვიზუალიზაციის მსოფლიოში პირველი მცდელობა.

ებრაელთა დასახლება საქართველოში ტრადიციულად ძველი წელთაღრიცხვის VI საუკუნიდან იწყება, ბაბილონის მეფე ნაბუქოდონოსორის მიერ იერუსალიმის დანგრევის შემდეგ. ზოგიერთი წყარო ამტკიცებს, რომ საქართველოში ებრაელები სწორედ ამ პერიოდიდან გაჩნდა. ისინი მრავალი საუკუნის განმავლობაში განუყოფელი ნაწილი იყვნენ ქართული საზოგადოების და მნიშვნელოვან როლს თამაშობდნენ ქვეყნის კულტურულ, ეკონომიკურ და საზოგადოებრივ ცხოვრებაში.

"მაშინ ნაბუქოდონოსორ მეფემან წარმოსტყვევნა იერუსალიმი, და მუნით ოტებულნი ჰურიანი მოვიდეს ქართლს, მოითხოვეს მცხეთელ მამასახლისისაგან ქვეყანა ხარკითა. ხოლო მცხეთელმა მამასახლისმან მისცა და დახსნა არაგვსა ზედა, წყაროსა, რომელსა ჰქვიან ზანავი. და რომელ ქვეყანა აქვნდათ მათ ხარკითა, აწ ქვიან ხერკ, ხარკისა მისთვის".

" და გამოჴდეს ამას შინა ჟამნი მრავალნი. მაშინ ნაბუქოდონოსორ მეფემან წარმოსტყუენა იერუსალემი, და მუნით ოტებულნი ურიანი მოვიდეს ქართლს, და მოითხოვეს მცხეთელთა მამასახლისისაგან ქუეყანა ხარკითა. მისცა და დასხნა არაგუსა ზედა, წყაროსა, რომელსა ჰქჳან ზანავი. და რომელი ქუეყანა აქუნდა მათ ხარკითა, აწ ჰქჳან ხერკ ხარკისა მისთჳს."