Скачать или смотреть 2 ቆሮንቶስ ምዕራፍ 13 አማርኛ መጽሐፍ ቅዱስ 2 Corinthians Chapter 13 Amharic Audio Bible

#2Corinthians #2ቆሮንቶስ #amharicaudiobible #amharicbible #አማርኛ_መጽሐፍ_ቅዱስ
ሁለተኛይቱ የሐዋርያው የጳውሎስ መልዕክት ወደ ቆሮንቶስ ሰዎች

መግቢያ

ጳውሎስ ለቆሮንቶስ ሰዎች የፃፈላቸው ሁለተኛው መልዕክት የተጻፈው÷ ጳውሎስ በቆሮንቶስ ከነበረችው ቤተ ክርስቲያን ጋር የነበረው ግንኙነት እጅግ አሰስቸጋሪ በሆነበት ጊዜ ነው፤ አንዳንድ የቤተ ክርስቲያኒቱ አባሎች ከበድ ያሉ ነቀፋዎችን የሰነዘሩበት ቢሆኑም ጳውሎስ እርቅ ለመፍጠር ታላቅ ናፍቆት እንዳለው በማሳየት÷ ይህም በሚሆንበት ጊዜ ታላቅ ደስታ ሊሰማው እንደሚችል ይገልጣል።

በመልዕክቱ መጀመሪያ ክፍል ላይ ጳውሎስ በቆሮንቶስ ከነበረችው ቤተ ክርስቲያን ጋር ስላለው ግንኙነት በመግለጥ÷ በቤተ ክርስቲያኒቱ ውስጥ ነቀፋዎችና ተቃውሞዎች ከረር ባለ ሁኔታ ለምን መልስ እንደ ሰጣቸው ያስረዳል፤ ከዚህም በማያያዝ ይህ የእርሱ ተግሳጽ ወደ ንስሓና ወደ እርቅ የመራቸው በመሆኑ የተሰማውን ደስታ ይገልጥላቸዋል፤ በመጨረሻዎቹ ምዕራፎች ጳውሎስ በሐዋርያነቱ ላይ ስለቀረበበት ክስ መከላከያ ይሰጣል፤ ምክንያቱም በቆሮንቶስ ቤተ ክርስቲያን አንዳንድ ሰዎች ራሳቸውን እውነተኞች ሐዋርያት በማድረግ ''ጳውሎስ ሐሰተኛ ሐዋርያ ነው'' በማለት ያንኳስሱት ነበር።


2ኛ ወደ ቆሮንቶስ ሰዎች 13
1
ወደ እናንተ ስመጣ ይህ ሦስተኛዬ ነው፤ ሁሉ ነገር በሁለትና በሦስት ምስክር አፍ ይጸናል።

2-3
ሁለተኛ በእናንተ ዘንድ በነበርሁ ጊዜ እንደ ተናገርሁ አሁንም ደግሞ በሩቅ ስሆን፥ ክርስቶስ በእኔ አድሮ እንዲናገር ማስረጃ ከፈለጋችሁ፥ እንደ ገና ብመጣ እንዳልራራላቸው አስቀድመው ኃጢአት ላደረጉት ለሌሎችም ሁሉ አስቀድሜ ብዬአለሁ፥ አስቀድሜም እላለሁ። ክርስቶስም ስለ እናንተ አይደክምም ነገር ግን በእናንተ ኃይለኛ ነው።

4
በድካም ተሰቅሎአልና፥ ነገር ግን በእግዚአብሔር ኃይል በሕይወት ይኖራል። እኛ ደግሞ ከእርሱ ጋር እንደክማለንና፥ ነገር ግን ስለ እናንተ በሆነ በእግዚአብሔር ኃይል ከእርሱ ጋር በሕይወት እንኖራለን።

5
በሃይማኖት ብትኖሩ ራሳችሁን መርምሩ፤ ራሳችሁን ፈትኑ፤ ወይስ ምናልባት የማትበቁ ባትሆኑ፥ ኢየሱስ ክርስቶስ በእናንተ ውስጥ እንዳለ ስለ እናንተ አታውቁምን?

6
እኛ ግን የማንበቃ እንዳይደለን ልታውቁ ተስፋ አደርጋለሁ።

7
ክፉ ነገርንም ከቶ እንዳታደርጉ ወደ እግዚአብሔር እንጸልያለን፤ እኛ የምንበቃ ሆነን እንገለጥ ዘንድ አይደለም ነገር ግን እኛ ምንም እንደማንበቃ ብንሆን፥ እናንተ መልካሙን ታደርጉ ዘንድ ነው።

8
ለእውነት እንጂ በእውነት ላይ ምንም ለማድረግ አንችልምና።

9
እኛ ስንደክም እናንተም ኃይለኞች ስትሆኑ ደስ ብሎናልና፤ እናንተ ፍጹማን ትሆኑ ዘንድ ለዚህ ደግሞ እንጸልያለን።

10
ስለዚህ ጌታ ለማፍረስ ያይደለ ለማነጽ እንደ ሰጠኝ ሥልጣን፥ ከእናንተ ጋር ሳለሁ በቁርጥ እንዳልሠራ በሩቅ ሆኜ ይህን እጽፋለሁ።

11
በቀረውስ፥ ወንድሞች ሆይ፥ ደኅና ሁኑ። ፍጹማን ሁኑ፥ ምክሬን ስሙ፥ በአንድ ልብ ሁኑ፥ በሰላም ኑሩ፥ የፍቅርና የሰላምም አምላክ ከእናንተ ጋር ይሆናል።

12
በተቀደሰ አሳሳም እርስ በርሳችሁ ሰላምታ ተሰጣጡ።

13
ቅዱሳን ሁሉ ሰላምታ ያቀርቡላችኋል።

14
የጌታ የኢየሱስ ክርስቶስ ጸጋ የእግዚአብሔርም ፍቅር የመንፈስ ቅዱስም ኅብረት ከሁላችሁ ጋር ይሁን። አሜን።



___________________________________________________________________________________
👇 SUBSCRIBE NOW 👇
እየተገማሸረ በሚፈሰው የዘመን ጅረት ውስጥ የቃሉን ወተትና ማር ለመጋት ወደዚህ የድምፅ መቅደስ እንኳን በደህና መጡ። AMG Design ሰርጥ አይደለም፣ የመስማት ክህሎትዎ ውስጥ የሚደረግ ሰማይን የመገናኘት የመናኝ ጉዘት እንጂ። እዚህ መጽሐፍ ቅዱስ የወረቀት ቅዱስ ቅባቱን የነፍስን ጥግጋት ዘልቆ በሚስረቀረቅ ድምጸት ያረሰርሳል፣ ያኔ ልብዎ በቃሉ የሀሴት ሰማይ ላይ በአክናፍ ይበርራል እርሱም እንደ ደማቅ የድምጽ ጅረቶች በነፍስዎ ዙሪያ እንደ ቅዱስ ጭስ የሚትጎለጎል ነው።

Amg Design

CONNECT WITH Amg Design SOCIAL MEDIA
YouTube: / @home_of_audio_bible
Instagram: https://www.instagram.com/amg_design_...
Facebook: https://www.facebook.com/amgdesigncre...
Telegram: https://t.me/AMG_Design_Visual_Art