Скачать или смотреть Masallının 10-a yaxın evində çatlar və çökmələr əmələ gəlib

Masallının 10-a yaxın evində çatlar və çökmələr əmələ gəlib

Masallının 3 kəndində evlərdə çatlar və çökmələr əmələ gəlib. Yaranan təhlükəli vəziyyət səbəbindən bir neçə ailə evini tərk edib.

Masallı rayonunun Qodman, Əzizabad və Məmmədrzaküçə kəndlərində yaşayış evlərinin divarlarında iri çatlar yaranıb. Bu səbəbdən orada yaşamaq təhlükəli olduğundan ev sakinləri qohumlarının evlərinə köçüblər.

Sözügedən hal 10-dan artıq evdə daha qabarıq müşahidə olunur. Sakinlər divarları çat verən,özülü çökən evlərində müəyyən möhkəmləndirmə və bərkitmə işləri aparsalar da vaxt ötdükcə bu tikililər daha acınacaqlı vəziyyətə düşür. Bəzi evlər yaşayış üçün tam yararsız haldadır.

Masallı rayon İcra Hakimiyyətindən bildirildi ki,bu məsələdən 2014-cü ildən xəbərdardırlar və aidiyyatı qurumlara müraciət ünvanlanıb.

Masallı Rayon İcra Hakimiyyətinin şöbə müdiri Abbas Mikayilov: “Fövqəladə Hallar Nazirliyinə, Ekologiya və təbii sərvətlər Nazirliyinə, Nazirlər Kabinetinə müraciət olunub. Hazırda ETSN-nin geoloji kəşfiyyat qrupu ərazidə müşahidələr aparır. Yekun qərardan asılı olaraq tərtib olunacaq tədbirlər planına uyğun iş aparılacaq.”

Sözügedən ərazidəki torpaq qatlarından götürülən nümunələr tədqiq edildikdən sonra baş verən çatların səbəbi dəqiq müəyyən olunacaq.