Скачать или смотреть Mutafiqa Tarjuma e Quran e Majeed • Binoria Media متفقہ ترجمہ قرآنِ مجید • بنوریہ میڈیا •

Mutafiqa Tarjuma e Quran e Majeed • Binoria Media متفقہ ترجمہ قرآنِ مجید • بنوریہ میڈیا •

مسند احمد:جلد اول:حدیث نمبر 1249
حضرت علی (رض) سے مروی ہے کہ جناب رسول اللہ (صلی اللہ علیہ وآلہ وسلم) نے ارشاد فرمایا تم میں سے بہترین وہ ہے جو قرآن سیکھے اور سکھائے۔

جامع ترمذی:جلد دوم:حدیث نمبر 833
عبد بن حمید، حسین بن علی جعفی، حمزہ زیات، ابومختار طائی، حضرت حارث اعور فرماتے ہیں کہ میں مسجد کے پاس سے گذرا تو دیکھا کہ لوگ دنیاوی (باتوں) میں مشغول ہیں۔ چنانچہ میں حضرت علی (رض) کے پاس گیا اور عرض کیا کہ اے امیر المومنین کیا آپ دیکھ نہیں رہے لوگ باتوں میں مشغول ہیں۔ آپ (رض) نے فرمایا کیا ایسا ایسا ہے ؟ میں نے عرض کیا جی ہاں ! حضرت علی (رض) نے فرمایا میں نے رسول اللہ (صلی اللہ علیہ وآلہ وسلم) کو فرماتے ہوئے سنا کہ عنقریب ایک فتنہ آنے والا ہے۔ میں نے عرض کیا اس سے بچنے کا کیا راستہ ہوگا۔ آپ (صلی اللہ علیہ وآلہ وسلم) نے فرمایا اللہ کی کتاب قرآن کریم میں تم سے پچھلوں کے متعلق بھی تذکرہ ہے اور تمہارے بعد کا بھی نیز اس میں تمہارے درمیان ہونے والے معاملات کا حکم ہے اور یہ سیدھا سچا فیصلہ ہے۔ یہ مذاق نہیں ہے۔ جس نے اسے حقیر جان کر چھوڑ دیا اللہ تعالیٰ اس کے ٹکڑے ٹکڑے کر دے گا۔ پھر جو شخص اس کے علاوہ کسی اور چیز میں ہدایت تلاش کرے گا اللہ تعالیٰ اسے گمراہ کر دے گا۔ یہ اللہ کی ایک مضبوط رسی ہے اور یہی ذکر حکیم ہے اور یہی صراط مستقیم ہے۔ یہ ایسی کتاب ہے جسے خواشہات نفسانی ٹیڑھا نہیں کرسکتی اور نہ ہی اس سے زبانیں خلط ملط ہوتی ہیں۔ علماء اس سے سیر نہیں ہوسکتے۔ یہ بار بار دہرانے اور پڑھنے سے پرانا نہیں ہوتا۔ اس کے عجائب کبھی ختم نہیں ہوسکتے۔ اسے سن کر جن کہہ اٹھے کہ ہم نے عجیب قرآن سنا جو ہدایت کی راہ دکھاتا ہے ہم اس پر ایمان لائے۔ جس نے اس کے مطابق بات کی اس نے سچ کہا۔ جس نے اس پر عمل کیا اس نے اجر پایا۔ جس نے اس کے مطابق فیصلہ کیا اس نے عدل کیا۔ اور جس نے اس کی طرف لوگوں کو بلایا اسے صراط مستقیم پر چلا دیا گیا۔

سنن دارمی:جلد دوم:حدیث نمبر 1154
ابوقلابہ بیان کرتے ہیں ایک شخص نے ابودرداء سے کہا کوفہ سے تعلق رکھنے والے آپ کے اہل علم بھائیوں نے آپ کو سلام بھیجا ہے حضرت ابودرداء نے جواب دیا ان پر بھی سلام ہو تم انھیں یہ ہدایت کردو کہ وہ قرآن کی مکمل پیروی کریں کیونکہ قرآن انھیں میانہ روی اور آسانی کی طرف لے جائے گا اور زیادتی اور ظلم سے الگ کردے گا۔

سنن دارمی:جلد دوم:حدیث نمبر 1150
سیدنا انس رضی اللہ عنہ نے کہا: رسول اللہ صلی اللہ علیہ وسلم نے فرمایا: “آدمیوں میں سے کچھ لوگ اللہ والے ہیں۔” عرض کیا گیا: وہ اہل اللہ کون ہیں؟ فرمایا: “وہ اہل قرآن ہیں” (یعنی قرآن پڑھنے پڑھانے والے)۔

سنن دارمی:جلد دوم:حدیث نمبر 1139
حضرت عبداللہ فرماتے ہیں یہ قرآن اللہ کا دسترخوان ہے تم اس کے دسترخوان سے جہاں تک استفادہ حاصل کرسکتے ہو کرو۔ یہ قرآن اللہ کی رسی ہے اور واضح کرنے والا نور ہے اور نفع دینے والی شفا ہے جو اس کے ذریعے تمسک کرے گا اس کے لیے پناہ ہے اور جو اس کی پیروی کرے گا اس کے لیے نجات ہے وہ شخص گمراہ نہیں ہوگا کہ اس کے پیچھے جایا جائے اور ٹیڑھا نہیں ہوگا کہ اسے سیدھا کیا جائے اس کے عجائب کبھی ختم نہیں ہوں گے اور بکثرت استعمال سے یہ پرانا نہیں ہوگا تم اس کی تلاوت کرو اللہ تمہیں اس کی تلاوت کے ہر ایک حرف کے عوض میں دس نیکیاں عطا کرے گا۔ میں یہ نہیں کہتا کہ الم ایک حرف ہے بلکہ الف، لام، م میں سے ہر ایک حرف کے عوض دس نیکیاں ملیں گی۔

موطا امام مالک:جلد اول:حدیث نمبر 436
حمید بن عبدالرحمن بن عوف نے کہا کہ قل ہو اللہ احد برابر ہے تہائی قرآن کے اور تبارک الذی بیدہ الملک لڑے گی اپنے پڑھنے والی کی طرف سے۔

جامع ترمذی:جلد دوم:حدیث نمبر 841
احمد بن منیع، جریر، قابوس بن ابی ظبیان، ابوظبیان، حضرت ابن عباس (رض) سے روایت ہے کہ رسول اللہ (صلی اللہ علیہ وآلہ وسلم) نے فرمایا جس کے اندر قرآن میں سے کچھ نہیں (یعنی اسے کچھ قرآن یاد نہیں) وہ ویران گھر کی مانند ہے۔ یہ حدیث حسن صحیح ہے۔

سنن دارمی:جلد دوم:حدیث نمبر 1151
کعب بیان کرتے ہیں قرآن پڑھو کیونکہ یہ عقل کی فہم ہے حکمت کا نور ہے اور علم کا سرچشمہ ہے اور اللہ کی طرف سے نازل ہونے والی سب سے آخری کتاب ہے اللہ نے توراۃ میں یہ بات ارشاد فرمائی ہے اے محمد میں تم پر جدید توراۃ نازل کروں گا جو نابینا آنکھوں، بہرے کانوں اور غفلت میں پڑے ہوئے دلوں کو کھول دے گی۔

#Binoria_Media #Mutafiqa_Tarjuma_e_Quran_Hakeem #Collaborated_Tarjuma_e_Quran # pk #QuranCurriculum #MuftiTaqiUsmani #MuftiTariqMasood #Quran #TheILMFoundation #TheILMFoundation #TIF #ShujauddinShaikh #MQH #MutalaeQuranEHakeem #Quran #Ittehad_Tanzeemat-ul-Madaris #Wifaq-ul-Madaris-Al-Arabiya #www.binoria.org #https://binoria.com.pk #Curriculum_Lahore_Board #BISELahore #Mutfiqqa_Tarjuma_e_Quran #Quran_ki_Khidmat #Effective_education_for_muslims #Tajweed_Journey #BurhanoNoor #HablullahilMateen #NuskhaeKeemia #Jamia_Binoria #Jamia_Binoria_Karachi #https://binoriaonline.com #Binoria_University